وه‌زاره‌تا په‌روه‌ردێ هنده‌ك بڕیار ل دۆر ده‌واما په‌روه‌ردێ ده‌رئێخستن
ئه‌ڤرۆ:
ب مه‌ره‌ما كێمكرنا رۆتین و باشتر ئه‌نجامدانا كاروبارێن وه‌لاتیان ل هه‌موو دام و ده‌زگه‌هێن په‌روه‌ردێ و ناڤه‌ندێن خواندنێ، ئالان حه‌مه سه‌عید، وه‌زیرێ په‌روه‌ردێ هنده‌ك بڕیار بۆ فه‌رمانبه‌ر و به‌رپرسێن كه‌رتێ په‌روه‌ردێ ده‌رئێخستن.
ل گوره‌ی نڤیساره‌كا وه‌زاره‌تا په‌روه‌ردێ كو ئیمزایا ئالان حه‌مه سه‌عید، وه‌زیرێ په‌روه‌ردێ ل سه‌ره، پێدڤیه هه‌موو فه‌رمانبه‌رێن سه‌ر ب كه‌رتێ په‌روه‌ردێ ڤه ب شێوه‌كێ بله‌ز كاروبارێن وه‌لاتیان د چارچوڤێ قانوون و رێنمایان دا بجهـ بینن و تێدا هاتیه: “نابیت رێڤه‌به‌رێ گشتی یێ په‌روه‌ردێ و رێڤه‌به‌رێن په‌روه‌ردا ده‌وامێ بجهـ بهێلن هه‌تا ئیمزایێ ل سه‌ر هه‌موو نڤیسارێن رۆژێن ده‌وامێ دكه‌ن”.
وه‌زاره‌تا په‌روه‌ردێ د وێ نڤیسارێ دا خویا كریه كو رێڤه‌به‌ریا دووڤچوونێ و رێڤه‌به‌ریا كاروبارێن قانوونی ل دیوانا وه‌زاره‌تێ دێ دووڤچوونا هه‌موو گازندێن وه‌لاتیان كه‌ن، هه‌ر فه‌رمانبه‌ره‌كێ خه‌مسار بیت ل گوره‌ی قانوونێ دێ هێته سزادان.
