وه‌زاره‌تا په‌روه‌ردێ دێ برياره‌كێ ل دۆر حانوتێن قوتابخانان ده‌ت
ئه‌ڤرۆ نيوز:
وه‌زيرێ په‌روه‌ردێ ل هه‌رێما كوردستانێ راگه‌هاند، نوكه مژوولى ڤه‌كۆليناينه بۆ وان خوارنێن زيان ب ساخله‌ميا قوتابيان د گه‌هينن.
ئالان حه‌مه سه‌عيد، وه‌زيرێ په‌روه‌ردێ ل هه‌رێما كوردستانێ د داخۆيانيه‌كا رۆژنامه‌ڤانى دا گۆت” مه ره‌شنڤيسه‌ك يێ به‌رهه‌ڤكرى و نوكه ل گه‌ل بسپۆرێن خۆراكى مژوولى ڤه‌كوليناينه ل سه‌ر، پاشى ب گۆره‌ى ره‌شنڤيسێ دێ وان خوارنێن هێنه بكارئينان، راگه‌هينين”.
دياركر ژى” بۆ خوارنێن د ناڤ حانوتێن قوتابخانان دا، وه‌زاره‌تا په‌روه‌ردێ به‌رنامه‌ك ل به‌رده‌سته بۆ وێ چه‌ندێ ئه‌و خوارنێن زيانێ د گه‌هيننه ساخله‌ميا قوتابيان، بهێنه لادان”.
گۆت ژى” هێشتا ب تمامى بريار نه‌هاتيه دان و دێ ڤه‌خواندنێ ل سه‌ر ره‌شنڤيسا بريارێ كه‌ين”.
