وه‌زيرێ ئاڤه‌دانكرنێ مزگينيه‌كێ دده‌ته كێم ده‌رامه‌تان
وه‌زيرێ ئاڤه‌دانكرنێ وه‌لاتيێن كێم ده‌رامه‌ت پشت راست دكه‌ت كو د ماوێ پێنج سالێن داهاتى دا كێشا ئاكنجيبوونێ ناهێلن و هه‌موو خێزانێن كێم ده‌رامه‌ت ژى دێ بنه خودانێن يه‌كێن بنه‌جهكرنێ يێن تايبه‌ت ب وان ڤه.
ده‌رباز كوسره‌ت ره‌سۆل وه‌زيرێ ئاڤه‌ندانكرن و بنه‌جهكرنێ ل حوكمه‌تا هه‌رێما كوردستانێ د داخۆيانيه‌كێ دا بۆ تۆرا ده‌نگوباسێن سلێمانيێ راگه‌هاند كو ئه‌وان پلانه‌ك هه‌يه كو هه‌تا پێنج سالێن دى هه‌موو كێم ده‌رامه‌ت ببنه خودانێن يه‌كێن بنه‌جهكرنێ.
گۆتژى: “هه‌رێم يا تووشى قه‌يرانه‌كا مه‌زن بوويى، به‌لێ نوكه ل گه‌ل چه‌ند لايه‌نێن په‌يوه‌نديدار د گه‌نگه‌شێ داينه دا كو بشێين 70% ژ كێشا نبه‌جهكرنێ چاره كه‌ين”.
ئاماژه ب وێ چه‌ندێ ژى كر كو ل سالا بۆرى هه‌تا نوكه چو پرۆژه‌كێ نوو نه‌هاتيه بجهئينان و گۆت: “دانوستاندنێ دكه‌ين دا كو بشێن قه‌رزه‌كێ درێژ وه‌ربگرين و 40 هزار يه‌كێن بنه‌جهكرنێ ل سه‌رتاسه‌رى كوردستانێ د پاشه‌رۆژه‌كا نێزيك دا ده‌ست پێ بكه‌ين”.
