سه‌ره‌كى Facebook وه‌زیرا چاندنێ: ل هنده‌ك ده‌رگه‌هێن توخیبی به‌رهه‌مێ قه‌ده‌غه‌كریێ بیانی دهێته ناڤ هه‌رێمێ
وه‌زیرا چاندنێ: ل هنده‌ك ده‌رگه‌هێن توخیبی به‌رهه‌مێ قه‌ده‌غه‌كریێ بیانی دهێته ناڤ هه‌رێمێ
ئه‌ڤرۆ نیوز:
بێگه‌رد تاله‌بانی وه‌زیرا چاندنێ و ژێده‌رێن ئاڤێ یا حوكمه‌تا هه‌رێما كوردستانێ راگه‌هاند كو ل ده‌مێ بوری زێده‌باری بریارا قه‌ده‌غه‌كرنێ، به‌لێ چه‌ند به‌رهه‌مه‌كێن چاندنێ ژ ده‌رگه‌هێن توخیبی دهاتنه ناڤ هه‌رێمێ دا.
د راگه‌هاندنه‌كێ دا، وه‌زیرا چاندنێ راگه‌هاند د پێخه‌مه‌تا پاراستنا به‌رهه‌مێ جۆتیارێن هه‌رێمێ به‌رهه‌مێ هاوه‌رده‌كری قه‌ده‌غه‌دكه‌ین، له‌ورا ده‌مێ بوری زانیاری گه‌هشتنه مه كۆ ل چه‌ند ده‌رگه‌هه‌كێن توخیبی به‌رهه‌مێ قه‌ده‌غه‌كری هاتیه ناڤ هه‌رێمێ، ئه‌ڤه ژی كارتێكرنه‌كا راسته‌وخو ل سه‌ر به‌رهه‌مێ جۆتیارێن هه‌رێمێ دبیت.
وه‌زیرا چاندنێ ئاماژه ب وێ چه‌ندێ ژی دایه كۆ وه‌زاره‌تێ نڤیسار ئاراسته‌ی جڤاتا وه‌زیران كریه بۆ ئه‌وێ چه‌ندێ هه‌ماهه‌نگیه‌كا پێدڤی ل گه‌ل بكه‌ن و رێگریێ ژ ئینانا به‌رهه‌مێن قه‌ده‌غه‌كری بهێته‌كرن.
