وه‌زیره‌كێ هه‌رێمێ: به‌غدا و هه‌رێم دبه‌رده‌وامن ل سه‌ر دانوستاندنان
ئه‌ڤرۆنیۆز، سالار دۆسكی:
وه‌زیره‌كێ حوكمه‌تا هه‌رێمێ دیاركر كو دانوستاندێن به‌غدا و هه‌رێمێ دبه‌رده‌وامن و داهاتی ژی دا دێ به‌رده‌وامی هه‌بیت، ئه‌ركێ حوكمه‌تا عیراقێ یه مووچێن فه‌رمانبه‌رێن كوردستانێ بده‌ت چونكو هه‌رێم پشكه‌كه ژ عیراقێ.
ئایدن مه‌عرۆف، وه‌زیرێ هه‌رێمێ بۆ كارۆبارێن پێكهاتان، ئه‌ڤرۆ رۆژا شه‌مبی 25ی نیسانێ، تایبه‌ت بۆ ئه‌ڤرۆ نیۆز ئاشكرا كر كو دانوستاندێن حوكمه‌تا هه‌رێما كوردستانێ ل گه‌ل حوكمه‌تا عیراقێ دبه‌رده‌وامن و ئه‌ڤه بۆ به‌رژوه‌ندا خه‌لكێ كوردستانێ گه‌له‌كا گرنگه و داهاتی ژی دا دێ دانوستاندنان به‌رده‌وامی هه‌بیت.
هه‌مان وه‌زیر ل حوكمه‌تا هه‌رێما كوردستانێ گۆت ژی: (پێشتر ژی تێگه‌هشتنه‌ك هه‌بوو ل سه‌ر راده‌ستكرنا 250 هزار به‌رمیلێن په‌ترۆلێ رۆژانه ب رێكا كۆمپانیا سومو، دڤێت هه‌رێم یا رژد بیت ل سه‌ر بده‌ستڤه ئینانا مافێن ده‌ستوریێن هه‌موو پێكهاتێن كوردستانێ و ل سه‌ر ڤێ سیاسه‌تێ سه‌رده‌ریێ بكه‌ت).
مه‌عروفی ئه‌و ژی گۆت: (هه‌رێم پشكه‌كه ژ عیراقێ و دانا مووچێن فه‌رمانبه‌رێن كوردستانێ دكه‌ڤیته سه‌ر حوكمه‌تا به‌غدا و دڤێت بڤی ره‌نگی سه‌ره‌ده‌ری ل گه‌ل خه‌لكێ كوردستانێ بهێته‌كرن، حوكمه‌تا به‌غدا به‌ر ب گوهورینێ یه و مه هیڤی هه‌نه حوكمه‌تا داهاتی بشێت ته‌ناهی و ئارامیێ بۆ خه‌لكێ عیراقێ بگشتی په‌یدا بكه‌ت).
ئایدن مه‌عرۆف، وه‌زیرێ هه‌رێمێ بۆ كارۆبارێن پێكهاتان ئەو یەک ژی دیار کر هه‌موو ئالیێن سیاسی ل سه‌ر مسته‌فا كازمی رێكکه‌فتی نه و چاڤه‌رێی كومبوونا په‌رله‌مانێ عیراقێ دهێته‌كرن بۆ دانا باوه‌ریێ بۆ حوكمه‌تا نوو.