وه‌زیرێ ساخله‌میا هه‌رێمێ: هه‌ر كه‌سێ دوور ژ تیمێن ساخله‌میێ ڤه‌گه‌ریایی جهێ مه‌ترسیێ یه
ئه‌ڤرۆ نیوز:
وه‌زاره‌تا ساخله‌میا هه‌رێما كوردستانێ بۆ به‌رهنگاربوونا ڤایرۆسێ كورونا، په‌یامه‌كا بله‌ز ئاراسته‌ی وه‌لاتیێن هه‌ریما كوردستانێ كر.
سامان به‌رزنجی وه‌زیرێ ساخله‌میا حكومه‌تا هه‌رٍێما كوردستانێ راگه‌هاند: پشتی به‌لاڤ بوونا لیستا ناڤێن ئه‌وان گه‌شتیارێن ڤه‌گه‌ریاینه هه‌رێما كوردستانێ بێكۆ پشكنینه‌كا نوژداری بۆ بهێته‌كرن جوداكرن، ب قاچاغ و دوور ژ تیمێن نوژداری یێن نوكه یێن هه‌رێما كوردستانێ، یان هه‌ر گه‌شتیاره‌كێ دی كۆ ل ده‌مێ دو هه‌فتیێن بوری ڤه‌گه‌ریایی جهێ مه‌ترسیێ نه.
سامان به‌رزنجی گۆت: وه‌زاره‌تا ساخله‌میێ ئاگه‌هداریا ئه‌وێ چه‌ندێ دا بووكۆ ب زووترین ده‌م ژ مال و زارۆك و خێزانێن خۆ دوور بكه‌ڤن و په‌یوه‌ندیێ ب تیمێن نوژداری ڤه بكه‌ن.
وه‌زیرێ ساحله‌میا حكومه‌تا هه‌رێما كوردستانێ ئه‌و ژه‌نده ژی راگه‌هاند: داخازێ ژ وه‌لاتێن هه‌رێما كوردستانێ دكه‌ین ژ ئه‌ڤان جورێن كه‌سان دوور بكه‌ڤن و كۆ مه ئاماژه پێدایی، د پێخه‌مه‌تا ساخله‌میا خۆ و خێزانێن خۆ، په‌یوه‌ندیێ ب تیمێن ساخله‌میێ ڤه بكه‌ن ب ئارمانجا رێگرتن ژ به‌لاڤ بوونا ڤایرۆسێ كورونا.
وەزارەتا ناڤخۆیا هەرێما كوردستانێ ژی ناڤێ 192كەسان بەڵاڤكریە كو ل خالا توخیبیا مونزریە ڤەگەراینە هەرێمێ بێ كو پشكنینا ساخله‌میێ بۆ بێهتە كرن، ئه‌ڤێن پارێزگه‌ها دهۆكێ ژی ئه‌ڤه‌نه هه‌ر كه‌سه‌كی پێزانین ل سه‌ر جهێ ئاكنجی بوونا وان هه‌بن په‌یوه‌ندیێ ب جهێن په‌یوه‌ندیدار ڤه بكه‌ن.