وه‌زیرێ ساخله‌میێ سه‌باره‌ت ڤێ نه‌خۆشیێ پشتراسبن
ئه‌ڤرۆ نیۆز:
وه‌زیرێ ساخله‌میا هه‌رێما كوردستانێ راگه‌هاند، كوردستانێ قه‌بارێ پێدڤیێ ده‌رمانان ژ ئالیێ به‌غداڤه پێگه‌هشت، بۆ پڕكرنا وان پێدڤیان داخواز ژ حوكمه‌تا ناڤه‌ندیا عیراقێ و نه‌توه‌یێن ئێكگرتى هاتبووكرن د هاریكرابن، سه‌باره‌ت نه‌خۆشیا ئیبۆلا ئه‌م خه‌لكێ خوه پشتراست دكه‌ین.
رێكه‌ون محه‌مه‌د وه‌زیرێ ساخله‌میێ دداخویانیه‌كێ دا گۆت: هه‌رێما كوردستانێ ب ئه‌گه‌رێ ژماره‌كا زۆرا ئاوه‌ران بارگرانیه‌كا زۆر ل سه‌ر ملێن وێ په‌یدابوویه، ئه‌و قه‌بارێ ده‌رمانێن ژ ئالیێ به‌غدا ڤه دگه‌هنه مه، تشته‌كێ زۆرێ كێمه و به‌هرا هه‌موو نه‌خۆشخانان ناكه‌ت، ب ڤێ مه‌ره‌مێ داخوازا هاریكاریێ ژ حوكمه‌تا عیراقێ و نه‌ته‌وه‌یێن ئێكگرتى ژى هاتیه كرن كو دهاریكاربن.
ئه‌و چه‌نده ژى وه‌زیرێ ساخله‌میێ نه‌ڤه‌شارت، ئه‌و ده‌رمانێن زۆر كێم و ب ده‌ستنه‌كه‌ڤن ده‌رمانێن كوتان و نه‌خۆشیێن دومدرێژن، ب تایبه‌تى بلندبوونا خوینێ و شه‌كرێ و نه‌خۆشیێن دلى.
سه‌باره‌ت نه‌خۆشیا ئێبۆلا كو په‌تایه‌كا كوژه‌كه، د. رێكه‌وت محه‌مه‌دى گۆت: ئه‌م هه‌موو خالكێ كوردستانێ پشتراست دكه‌ین،هه‌تا نها چو حاله‌تێن بڤى شێوه‌ى ل هه‌رێما كوردستانێ نه هاتینه تۆماركرن.
