وه‌زیرێ پترۆلا عیراقێ: نه‌چارین به‌رهه‌م ئینانا پترۆلێ كێم بكه‌ین
ئه‌ڤرۆ نیوز:
سامر غه‌زبان وه‌زیرێ پترۆلا عیراقێ راگه‌هاند: عیراق نه‌چاره به‌رهه‌مئینانا پترۆلێ ب رێژه‌یا ئێك ملیۆن به‌رمیلان كێم بكه‌ت، ئه‌ڤ كێمكرنه ژی هه‌رێما كوردستانێ ژی بخۆڤه دگریت، هه‌رێما كوردستانێ رۆژانه 480 به‌رمیلان به‌رهه‌م دئینیت ئه‌ڤه ژی د چارچوڤه‌یێ پشكا عیراقێ یه ل سه‌ر ئاستێ نێڤ ده‌وله‌تی ل سه‌ر رێكه‌تینه.
وه‌زیرێ پترۆلا عیراقێ ئه‌و چه‌نده ژی راگه‌هاند ل سالا 2019 هه‌رێما كوردستانێ رۆژانه 460 به‌رمیلێن پترۆلێ به‌رهه‌م دئینیت، نوكه رۆژانه 454 هزار به‌رمیلان ره‌وانه‌ی بازارێن جیهانێ دكه‌ت، تانوكه هه‌رێمێ به‌رهه‌مێ پترۆلێ یێ سالا 2019 راده‌ستی به‌غدا نه‌كریه.
سامر غه‌زبان وه‌زیرێ پترۆلا عیراقێ ئه‌و چه‌نده ژی راگه‌هاند بودجا بكاربه‌ر 78% یا مه‌زاختیێن ده‌وله‌تێ پێك دئینیت، 70% یا بودجه‌یا بكاربه‌ر بۆ موچه‌یێن فه‌رمانبه‌ران و خانه‌نشینانه كۆ هه‌یڤانه 7.5 ترلیۆن دینارن، چ بریار نینن بۆ كێمكرنا موچه‌ی یان ده‌رماله‌یێن فه‌رمانبه‌ران، ئه‌و پرس ب ده‌ست حكومه‌تێ دایه، موچه‌یی هه‌یڤا نیسانێ یێ فه‌رمانبه‌ران هاتیه دابینكرن، ئه‌ڤه ل سه‌ر كێمكرنا ده‌رماله‌یێن فه‌رمانبه‌ران هاتیه گۆتن، بتنێ ڤه‌كۆلینه‌كه و هێشتا پێشكێشی جڤاتا وه‌زیران نه‌هاتیه‌كرن.
هه‌یڤا بوری حكومه‌تا عیراقێ نێزیكی 2.9 ملیار دۆلار ژ فرۆتنا رۆژانه‌یا 4.3 ملیۆن به‌رمیلێن پترۆلێ ده‌ست كه‌ڤتیه، به‌لێ ئه‌ڤێ هه‌یڤێ ئه‌و داهات ب ئه‌گه‌رێ داكه‌تنا بهایێ پترۆلێ ب ده‌ستڤه ناهێت.
