ویسام ڕزق: ژ ئاستێ یاریزانێن خوە ڕازی نینم
د داخویانیەكێ دای ێ قەتری ویسام ڕزق ڕاهێنەرێ تیما فوتبۆلا یانەیا زاخۆ كەیفخوەشیا خوە دیار كر ب دەستڤە ئینانا سێ خالێن یاریێ بەرانبەر یانەیا مووسل ئەوا ل شەڤا دەربازبووی ژ چارچووڤەیێ هەڤڕكیێن گەڕا پێنجێ ژ خولا ستێرێن ئیراقێ ل یاریگەها یانەیا زاخۆ هاتیە كرن تێدا كوڕێن خابۆری ب گۆلا پیشەكارێ خوە یێ ئوردنی یوسف ئەلئالوسی تۆماركر.
زێدەتر ویسام ڕزق گۆت: هەرچەندە مە سێ خالێن گرنگ ب دەستڤە ئینان و دبیت ماندیبوونا یاریزانان ژی ژبەر گەشتا بۆ وەلاتێ بەحرینێ و هاتن هەبیت، لێ ژ ئاستێ یاریزانێن خوە د ڕازی نینم ئەوا من دڤیایی دناڤ یاریگەهێ دا ب دروستاهی نە هاتە كرن، لێ ئێدی ئەم هزر دسەركەڤتنا ڤێ یاریێ دا ناكەین مە یارییەكا دی یا گرنگ و بهێزهەیە بەرانبەر ئەلغراف.
هەژی گۆتنێ یە یاریێن گەڕا چارێ دێ ل سوبەهی دەستپێكەن، دێربیێ كوردستانی دێ نەورۆز مێڤاندارییا هەولێر كەت، ل رۆژا پێنج شەمبی، دهۆك دێ مێڤاندارییا یانەیا نەفت، ژلایێ خوەڤە زاخۆ دێ بیتە مێڤانا ئەلغراف.
