وەزارەتا ساخلەمیێ : چ حالەتێن نەخۆشیا ڤایرۆسێ کۆرۆنا ل هەرێما کوردستانێ نینن
ئەڤرۆ نیوز:
وەزارەتا ساخلەمیا حکومەتا هەرێما کوردستانێ بۆ رایا گشتی و سازیێن میدیایی رادگەهینیت، کو چ حالەتێن نەخۆشیا ڤایرۆسا کۆڕۆنا نوو (2019-nCoV) ل هەرێما کوردستانێ نینن و نەهاتینە تۆمار کرن.
لێ مخابنی چەند پەیج و میدیایان بێی هیچ ژێدەر و دوور ژ ڕاستیێ و بێی هیچ بنەمایەک نووچێ هەبوونا ڤێ نەخۆشیێ بەلاڤە کریە.
ل ڤێرێ وەلاتیێن خۆشتڤێ دلنیا دکەین، کو سازیێن ساخلەمیێ گەلەک ب هشیاری و ب بەردەوامی چاڤدێریا رەوشا ڤێ نەخۆشیێ دکەن ب هەماهەنگی ل گەل ئالیێن پەیوەندار یێن نێڤدەولەتی و ڕێکارێن پێدڤی دێ گرینە بەر بۆ رێگری گرتنێ ل ڤێ نەخۆشیێ، هەروەسا رادگەهینین، ژ بلی وەزارەتا ساخلەمیێ و و رێکخراوا ساخلەمیا جیهانی WHO ل سەر ئاستیێ جیهانێ دا، هیچ لایەنەکێ دیتر ب ژێدەرێ فەرمی یێ بەلاڤبوونا ئەڤان نووچان ناهێتە دانان.
وەزارەتا ساخلەمیێ یا حوکمەتا هەرێما کوردستانێ
27 کانوونا دویێ 2020
