وەزیرێ ساخلەمیێ داخواز دکەت قەدەغەیا هاتنوچوونێ بۆ دەمەکێ دیارکری بهێتە راگەهاندن
ئەڤرۆ نیوز:
د. سامان بەرزنجی، وەزیرێ ساخلەمیا هەرێما کوردستانێ دیار کر: رۆژانە سەدان تووشبوویێن کۆرۆنایێ ل هەرێما کوردستانێ دهێنە تۆمار کرن و داخواز کر بڕیارا قەدەغەیا هاتنوچوونێ بۆ ماوەکێ دیار کری ل گەل بەرچاڤکرنا پێدڤیێن ژیانێ بهێنە راگەهاندن، ب تایبەت هاتنوچوون دناڤبەرا پارێزگەهێن هەرێما کوردستانێ تووندتر بن وەکو نوکە.
وەزیرێ ساخلەمیا هەرێما کوردستانێ د کۆنگرەکێ رۆژنامەڤانی دا داخواز کر دەواما فەرمانبەران ل کەرتێ گشتی و یێ تایبەت بۆ ماوەکێ سنۆردار بهێتە راگرتن و قەدەغەیا هاتنوچوونێ ژی بێخنە سەر هۆکارێن ڤەگوهاستنا گشتی.
