١٠ یانەیان دەربازبوونا خوە مسۆگەر کر
ئەڤرۆ نیوز:
یاریێن گەرا حەفتێ و بەری دووماھیێ ژ قارەمانیا یانێن ئورۆپا قارەمانێن خۆلان شڤێدی ھاتنە کرن و ھژمارا یانێن دەربازبوونا خوە مسۆگەر کری بۆ قووناغا دویێ و خۆلا یانێن ئورۆپا بوونە ١٠ یانە پشتی ئەنجام ب ڤی رەنگی ب دووماھی ھاتین.
د کوما پێنجێ دا ھەر دو یانێن بایرن میونخ یا ئەلمانی ب ١٣ خالان و ئەیاکیس ئەمستردام یا ھولەندی ب ١١ خالان دەربازی قووناغا دویێ بوون پشتی بایرن میونخ سەرکەفتنەکا مەزن ل سەر بنفیکا یا پرتوگالی تومارکری ب پێنج گولان بەرامبەر گولەکێ و ژ دەرڤەی یاریگەھا خوە ئەیاکس سەرکەفتن ل سەر ئەیاک ئەسینا یا یوناینی تۆمارکری ب دو گولان بێ بەرامبەر.
د کوما شەشێ دا مانچستەر سێتی دەربازبو ب ١٠ خالان سەرەرای وەکھەڤیا خو ل گەل یانا لیون یا فرەنس و ھەڤرکی بو پلێتا دویێ ھاتە پاشخستن بو یاریێن گەرا دووماھیێ.
دکوما حەفتێ دا ریال مەدردید ب ١٢ خالان و روما ب نەە خالان پشتی ریال سەرکەفتن ل سەر روما تۆمارکری ب دو گولان بێ بەرامبەر.
د کوما ھەشتێ دا یوڤانتوس ب ١٢ خالان و مانچستەر یونایتد یا ئنگلیزی ب ١٠ خالان دەربازبوون پشتی یوڤانتوس ب گولەکێ بێ بەرامبەر سەرکەفتن ل سەر ڤالنسیا ئسپانی تومارکر و مانچستەر یونایتد ب سەر یونج بویز یا سویسری تۆمارکری ب گولەکێ بێ بەرامبەر.
دھێتە زانین بەری ڤان حەفت یانەیان ل گەرا بوری بەرشەلونە دەربازبوونا خوە مسوگەر کربوو ل گەل ھەر دو یانێن بنفیکا یا پرتوگالی و ڤالنسیا یا ئسپانی پلێتێن پشکداریا خۆلا یانێن ئورۆپا مسوگەر کرن.
