١١ سالە ٥ ھزار پارچێن عەردی ھاتینە بەلاڤ کرن و خزمەتگوزاری نەگەھشتینێ
ئەڤرۆ نیوز،بارزان مزووری:
سەروکێ باژێرڤانیا قەسرۆک بو ئەڤرۆ نیوز ئاشکرا کر ل سالا ٢٠٠٨ حەتا نھا سەروکاتیا باژێرڤانیا قەسرۆک ٥ ھزارو ٢٣ پارچێن عەردی یێن ئاکنجی بوونێ ل سەر فەرمانبەرو وەلاتیێن قەسرۆک یێن بەلاڤکرین و ئەڤە چەند سالە ئەو گەرەگ ھاتینە ئاڤاکرن حەتا نھا زربەیا وان خزمەتگوزاری نەگەھشتینێ.
زێدەتر غیاس محەمەد، سەروکێ باژێرڤانیا قەسرۆک بۆ ئەڤرۆ نیوز ئاشکرا کر ئەو پارچێن عەردی ل سەر وان کەسا یێن ھاتین دابەشکرن ئەوێن حکومەتێ بریار پێ دای لێ جھێ داخێ یە ئەو گەرەک بتمامی ھاتینە ئاڤاکرن و چو خزمەتگوزاری نەگەھشتینێ بوویە جھێ گازندێ ل دەف وان وەلاتیێن وان گەرەکان ڤە.
ناڤھاتی خویاکر د سالا بوری دا ل سەر پێشینەیا خوە یا ھەیڤانە ئەم شیان ب وێ پێشینێ بکوژمێ ٥٠ ملیون دینارا پرۆژێن خزمەتگوزاری بۆ وەلاتیێن ناڤ سەنتەری پێشکێش کەین.
