٢٧٥ لیستا بدەستڤەئینانا مافانە

دلژین عەبدولستار فەتاح

خۆیایە كو هەلبژارتن ئەو پرۆسێسا دیموكراسی یە یا كو مافی ددەتە هەر كەسەكی كو ب ئازادی دەنگێ خۆ بدەتە وی لایەنی یێ وی باوەری پێ هەی.
هەلبژارتنێن پەرلەمانێ ئیراقێ ئەڤێن دێ ل «١١/١١» هێنەكرن، گرنگیەكا زۆرا مەزن هەیە و دڤێت خەلكێ هەرێما كوردستانێ ب جۆش و خرۆشەكا زۆر قەستا سندۆقێن دەنگدانێ بكەن، ژ بەر كو هەمی هەولا دوژمن و نەیارێن كوردستانێ لاوازكرن و ژناڤبرنا قەوارەیێ هەرێما كوردستانێ یە، و بەردەوم ئاستەنگی ژ بۆ پێشكەفتنێن كوردستانێ و ژیارا خەلكی دروستكرینە، هەڕ ژ بڕینا بودجەی و هێرشێن لەشكری و راوەستاندنا نەفتا هەرێما كوردستانێ و نەهنارتنا مووچەیێن مووچەخوران..هتد، ئەڤجا داخواز دكەم خەلك دەنگی بدەنە وی لایەنی ئەڤێ هەڕ جار داخوازا مافێن ڕەوا یێن خەلكێ كوردستانێ دكەت و قوربانیێ بۆ وەلاتی ددەت و وەلاتی ئاڤەدان دكەت و بەرگریێ دكەت و بشێت داخوازا هەمی مافێن یاسایی و دەستووریێن خەلكێ هەرێما كوردستانێ بكەت.
ئەگەر ئەم هزرا خۆ بكەین و ب ئاقلانە بریارا دەنگدانێ ب لایەنەكێ سیاسی بدەین، ب پشتراستی و بێ دو دلی دێ دەنگێ خۆ دەینە لیستا «٢٧٥» یا پارتی دیموكراتی كوردستان، لیستا شەهیدان لیستا بەرگریكرنێ و ئاڤەدانیێ و پێكڤەژیانێ، لیستا بدەستڤەئینانا مافێن ڕەوایێن خەلكێ كوردستانێ و پاراستنا دەستكەفتێن هەرێما كوردستانێ.
پارتی ئەو پارتا خۆدانا دیرۆكا بزاڤ و شۆڕش و سەرهلدانان، خۆدانا ژ ناڤبرنا رێكخراوا تیرۆرستی یا داعشێ‌ و تۆماركرنا داستانێن پردێ و سحێلا و مەحموودیێ، و هەڕ ئەو دێ پێشەنگ بیت د دەستڤەئینانا هەمی مافان و پاراستنا دەستكەفتێن هاتینە دەست.

کۆمێنتا تە