پارتى بوویه قوربانى ره‌فتارێن به‌رپرسان
عه‌مه‌ر سندى
ئه‌ڤا ئه‌ز لڤێره دبێژم ژ هه‌موو پارتێن باشۆرێ كوردستانێ و به‌رپرسێن وان دگره، لێ من مه‌ره‌م پێ پارتى دیمۆكراتى كوردستانه، چونكى پارتیا منه و تایبه‌تیتر من مه‌ره‌م ده‌ڤه‌را به‌هدینانه، چونكى ده‌ڤه‌را منه تایبه‌تتر من مه‌ره‌م پارێزگه‌ها دهۆكێ یه، چونكى جهێ ژدایكبوونا منه و وارێ منه، دێ یا راست بێژم چى دبه بلا ببه و كى دلگیر دبه بلاببه، چونكى دلێ مه بو وارێ مه دسۆژه، ئه‌ز هیچ تشته‌كێ بێ به‌لگه نابێژم ب حوكمێ كاركرنا من بۆ ماوه‌یێ 14 سالان ل باشۆرێ كوردستانێ د ئێك ژ لقێن پارتی دا ل به‌هدینان و بوار نه‌مایه من تێدا كارنه‌كریه ژ رێكخستنێ بگره هه‌تانى تێیه ره‌وشه‌نبیرى و راگه‌هاندن و په‌یوه‌ندى و راوێژكارى و.. هتد. من لسه‌رى گوت، گوتنا من ژ هه‌موو پارتیان و به‌رپرسێن وان دگره و پرانیا وان ل هه‌لبژارتنێن 10.10.2021 ده‌نگێن خوه ژ ده‌ستدان و كێمكرن پارتیا مه‌ژى پارتى دیمۆكراتى كوردستان نێزیك 250000 هزار ده‌نگان كێمكرن، هه‌لبه‌ت سه‌ركردایه‌تیا پارتى ژ دل دخوازه بزانه ئارێشه ل كیڤه‌یه، ئه‌رێ خه‌لكێ پشتا خوه دایه مه ئه‌گه‌ر وه‌یه چما؟ مه چ كریه هه‌تا كو بهێنه سزادان؟ ئه‌گه‌ر تو بێژى خزمه‌تگوزارى وه‌كو پێدڤى نه‌بین، دێ بێگومان بێژم به‌لێ ره‌وشه‌ك نه‌نۆرمال و نه‌چاڤه‌رێكرى سه‌رهلدا، من ئه‌وژى قه‌بویله و راسته, ده‌سته‌سه‌ركرنا هنده‌ك چالاكڤان و رۆژنامه‌ڤانان، ئه‌وژى راسته لێ برینا مه‌هانا فه‌رمانبه‌ران و نه‌دامه‌زراندنا گه‌نجان و ده‌رچۆیێن زانینگه‌هان و په‌یمانگه‌هان و بێكارى، ئه‌ڤه هه‌موو ئه‌گه‌رن و هه‌ر ئه‌گه‌ره‌ك ژى ل گۆره‌ى گرانیا خوه و سه‌نگ و باندۆرا خوه، لێ ئه‌م دخوازین ئه‌گه‌را سه‌ره‌كى بزانین و ده‌ستێ خوه ب دروستى ده‌ینین سه‌ر برینێ داكو بزانین چاوا چاره‌سه‌ر بكین، چونكى هه‌رده‌ما دختۆرى ب دروستى ئێشا نه‌خوه‌شى زانى هینگێ چاره‌سه‌ر ساناهیه، ئه‌ڤ ئه‌گه‌رێن مه ئانینه زمان گشتینه و بۆ سه‌رانسه‌ر ژى دبن، لێ مه‌گوت دێ پتر لسه‌ر پارتیا خوه راوه‌ستین و ده‌ڤه‌را به‌هدینان، ب تایبه‌تى ئه‌وا من دیتى ب ئه‌ڤى ره‌نگێ ل خوارێ بوو، مایه ئه‌م بێژین بخوازین و نه‌خوازین ئه‌م ل رۆژهه‌لاتا ناڤینین و حزب رۆلێ سه‌ره‌كى دگێره ل ده‌ینان و دامه‌زراندنا پارێزگاری و ده‌ڤه‌ردارى و رێڤه‌به‌رێ ناوچێ و رێڤه‌به‌رێن گشتى هه‌تانى ده‌ستنیشانكرن و كاندیدكرنا په‌رله‌مه‌نته‌ران، بلا ڤه‌كریتر و بێ ترس باخڤین یێن بووینه سه‌ده‌م و ئه‌گه‌رێن ژ ده‌ستدان و كێمكرنا ده‌نگێن پارتى دیمۆكراتى كوردستان به‌رپرسێن لقان و به‌رپرسێن رێكخستنا لقان بووینه، نه كه‌سێن دى بلا پارتى دیمۆكراتى كوردستان پرسیار ژ ڤان بكه گه‌لۆ وه چ كریه؟ چما جه‌ماوه‌رێ مه ژ مه ره‌ڤیه؟ ئه‌ڤ هه‌مى دلسۆزێن مه و رێبازامه چما پشتا خوه دانه‌مه؟ بلا پارتی دیمۆكراتى كوردستان دویڤچوونه‌كێ ژبۆ ره‌فتارێن به‌رپرسێن لقان و به‌رپرسێن رێكخستنا بكه ل گه‌ل مالباتێن سه‌ربلندێن شه‌هیدان و ئه‌نفالكریان كانێ چه‌ند سه‌ره‌دانێن وان كرینه و چه‌ند پێشوازیا وان كرینه؟ چه‌ند به‌رهه‌ڤبوونه وان ببینن؟ ئیرۆكه دیواره‌كى هه‌رى بلند د ناڤبه‌را جه‌ماوه‌رى و به‌رپرسێن لقان و رێكخستنان هاتیه ئاڤاكرن، دیواره‌كى گه‌له‌ك بلند و ستویره ب روكێتان ژى نایێ شكاندن تنێ ب ئیرادا پارتیبوون و باوه‌رى ب وێ رێبازێ نه‌به دڤیا سه‌ركردایه‌تیا پارتى دیمۆكراتى كوردستان نه‌بته و نه‌هێله ببه قوربانێ چه‌ند ئێتیم و به‌رژه‌وه‌نخوازه‌كان و ده‌نگین خوه ژ ده‌ست بده پارتى، هه‌ر هیچ نه‌به دڤیا ڤه‌كۆلینه‌كا هویر لگه‌ل ڤان كه‌سان بكه گه‌لۆ سه‌ده‌م چنه؟ هه‌رى سه‌یر و ئه‌نتیكه‌یه پارتى دیمۆكراتى كوردستان، هه‌مى كورسێن به‌هدینان نه‌ئینه و قه‌زه‌نج نه‌كه. به‌رسڤ ئاماده و ئه‌شكه‌ره‌یه به‌رپرسێن لقان و به‌رپرسێن رێكخستنا لقان هه‌مى ئێڤاریان مێهڤانێن ئاغا و به‌گله‌رانن ل مه‌زره‌عێن وان و كۆچكێن وان نزانن ده‌مژمێر چه‌ند خاتر ژیه‌ك خواستین وه دڤێت ئه‌ڤه ده‌نگان كۆم بكن و وه سه‌رفراز بكن؟ كێ به‌رپرسه‌ك ده‌ڤه‌را به‌هدینان دیتی یه شیڤه‌ك لگه‌ل مالا شه‌هیده‌كى پاشگوهخستى خواریه؟ ل جهێ بچنه سه‌رادانێن وه‌لاتیان و ژێ بپرسن كانێ كێماسێن وه چینه كا ئه‌م دشێن بۆ وه چبكین د ئۆدێن خوه‌دا خوه هه‌شارداینه و ده‌ما ده‌ردكه‌ڤنژى بیرا كاروانێن ترومبێلێن سه‌دامێ گۆربگۆر تینن بیرا مرۆڤى، ئه‌ڤه ژبلى مرۆڤكانێ و ناڤچه‌گه‌ریێ و به‌رتیلان و هه‌موو جۆرێن گه‌نده‌لیێ ئه‌ڤه هه‌موو ل ئالیه‌كێ ململانا وان بخوه د ناڤبه‌را یه‌كدا هه‌رتم وتم مژویلى دارشتنا پلانانن ل دژى هه‌ڤ كێ ئاگه‌ه ل وه‌لاتیێ نۆرمال یانژى رێكخستنێن خوه مایه د بابه‌تێ هه‌لبژارتن و ده‌ستنیشانكرنا كاندیدان ژیدا به‌رپرسێن لقان راى و دیتنێن جه‌ماوه‌رێ خوه لپێش چاڤوه‌رنه‌گرتن، تنێ لگۆره‌ى په‌یوه‌ندیێن كه‌سۆكى و مۆرال و گێولى بوویه ل كه‌سانێن خۆشه‌ڤى د ناڤ خه‌لكێدا و زانا و لێهاتى نه‌گه‌رهان، سێ به‌هرێن كاندیدان ژلایێ زمانیڤه شه‌پلى بوین هه‌ره ده‌ركه‌تن و چوونه به‌غدا مفایێ وى بۆ ده‌نگده‌رى داچى بت؟ هه‌لبه‌ت مه هه‌میان پرێزه دیت و ئه‌گه‌ر مه چاره‌سه‌ری ژى دڤێت، ئه‌ڤه مه لسه‌رى یا دیاركرى، ئێدى هیڤیدارم جهێن خوه ب خودان دبینن وه‌لاتیێ به‌لنگاز پاشگوه نه‌ئێخن وى دیوارێ كۆنكریتى د ناڤبه‌را به‌رپرسان و وه‌لاتیان راكن، بلا دلێ وه‌لاتیان ئارامگه‌ها وه‌یا هه‌رى ئارامبه داكو ل پێشه‌رۆژێ سه‌ركه‌فتنێ بینن، یا مه‌ژى تنێ گوتنه و تنێ گوتن ژمه دهێت.
