پارتی ئەڤ ئەزموونا حكومڕانیێ یا دروستكری و هـەر پارتیە دێ پارێـزیت
د چوارچوڤێ هەوا بانگەشەیا هەلبژارتنێن خولا شەشێ یا پەرلەمانێ كوردستانێ دا سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهـۆكێ دوهی 5/10/2024 سمینارەك بۆ پشكەك ژ جەماوەرێ خۆشتڤی و خۆڕاگرێ دهـۆكا رەنگین ل هۆلا كۆنفرانسان ل زانكۆیا دهۆكێ پێشكێشكر.
سەربەست لەزگین د سمینارا خۆ دا بەحسێ دوماهی پێشهات و گوڕانكاریێن د ناڤ پرۆسێسا سیاسی دا كر، هەروەسا پرۆسێسا هەلبژارتنان و سەركەفتنا پارتی د ڤان هەلبژارتنان دا ب گرنگ زانی بۆ بهێـزبوون و مانەڤەیا قەوارەیێ دەستووری یێ هەرێما كوردستانێ.
بەرپرسێ مەكتەبا رێكخستنا پارتی ل پارێزگەها دهـۆكێ داخواز ژ جەماوەرێ دهـۆكێ كر ژ پێخەمەت هەبوونا ئارامیێ و ئاڤەدانیێ و پێكڤەیی و خۆراگریێ دەنگێ خۆ ب بەربژاڕێن پارتی و لیستا 190 بدەن، چونكی پارتی ئەڤ ئەزموونەیا دروستكری و هەر پارتیە ژی ڤێ ئەزموونێ بپارێزیت.
