پاركەكا گشتی ل دەڤەرداریا باتیفا دێ هێتە چێكرن
سەرۆكێ باژێڕڤانیا دەڤەرداریا باتیفا بۆ رۆژناما ئەڤرۆ دیار كر، ب گوژمێ ملیار دیناران پاركەكا گشتی ل سەنتەرێ دەڤەرداریێ و ل سەر رووبەرێ 13 هزار و 500 مەترێن چارگوشە دهێتە دروستكرن.
مەسعود غانم، سەرۆكێ باژێڕڤانیا دەڤەرداریا باتیفا گۆت: «دیزاینا پاركێ بۆ ئیدارا سەربخوە یا زاخۆ هاتیە هنارتن، ئەم چاڤەرێینە رازیبوون ل سەر بهێتە كرن و پارە بۆ بهێتە تەرخانكرن، داكو بكەڤیتە د وارێ بجهئینانێ دا».
گۆتژی: «نوكە ب گوژمێ 186 ملیۆن دیناران باغچەك ل باتیفا هاتیە دروستكرن و كەڤتیە د خزمەتا وەلاتیان دا».
