پاره بۆ پڕۆژهیێن وهبهرهێنهران دێ هێته مهزاختن
ههولێر، سولین سلێمان:
ئهو پڕۆژهیێن ژ لایێ دهستهیا وهبهرهێنانێ ڤه ئاریشه بۆ دروست بووین، دێ هێنه چارهسهركرن و گوژمهكێ پارهی بۆ وان دێ هێته مهزاختن.
بهشار عهلی، رێڤهبهرێ پهیوهندیێن ئێكهتیا بهلێندهدران بۆ رۆژناما ئهڤرۆ دیار كر، د نوكه دا كار ل سهر پتر ژ 100 پڕۆژهیان دهێته كرن و د قووناغێن جودا یێن بجهئینانێ دانه و گۆت: “بڕیاره 200 پڕۆژهیێن دی ژی بهێنه بجهئینان، بۆ ڤێ چهندێ ژی 60 ملیار دینار بۆ بجهئینانا وان دێ هێنه مهزاختن، بهری نوكه ژ بهر ئاریشهیێن دارایی گهلهك پڕۆژه هاتبوونه راوهستاندن، د نوكه دا حكومهتێ ئهڤ ئاریشه چارهسهر كریه و كار د پرۆژان دا دێ هێته كرن”.
گۆتژی: “ههر پڕۆژهیهكێ كو بهری نوكه راوهستیای و ئاریشه بۆ چێبووین دێ هێنه چارهسهركرن، لژنهكا تایبهت ژ لایێ جڤاتا وهزیران و لایهنێن پهیوهندیدار هاتیه پێكئینان و د نوكه دا ئهم مژوولی چارهسهركرنا وان ئاریشهیاینه”.
بهشار زێدهتر گۆت: “د نوكه دا نزیكی 40 پڕۆژهیێن ئاكنجیبوونێ ل ههرێما كوردستانێ ههنه، كو مۆلهت ژ لایێ حكومهتێ و دهستهیا وهبهرهێنانێ ڤه نینه، لهو پێدڤیه ئهو پرۆژه مۆلهتێ ژ دهستهیا وهبهرهێنانێ و وهزارهتا باژێرڤانیێ وهربگرن، داكو بشێن بهردهوامیێ بدهنه پڕۆژهیێن خوه”.