پارێزگارێ دهۆكێ بەرێ بنیاتی بۆ سـێ پڕۆژەیێن خزمەتگـوزاری ل شێخان دانـا
رەمەزان زەكەریا:
ب ئامادەبوونا د. عەلی تەتەر، پارێزگارێ دهۆكێ و سالح حەیدەر، بەرپرسێ لقێ 20 یێ پارتی ل شێخان و سەردار شێخ یەحیا، دەڤەردارێ شێخان و هەژمارەكا ڕێڤەبەرێن دام و دەزگەهێن خزمەتگوزاری و پەڕلەمانتاران، دوهی 19/5/2026 بەرێ بنیاتی بۆ پڕۆژەیێن دروستكرنا قووناغا ئێكێ یا ڕێكا پیربۆب بۆ گوندێ سێلكا ب درێژاهیا 13 كیلۆمەتران و 500 مەتران و پڕۆژەیێ نووژەنكرن و دروستكرنا ڕێكا د چیتە دۆڕیانا خنس بۆ مرێبا ب درێژاهیا سێ كیلۆمەتران و 600 مەتران و پڕۆژەیێ راكێشانا هێلا 132 كەیڤی ب درێژاهیا 18 كیلۆمەتران ل ناوچەداریا كەلەكچی بۆ سنۆرێ هەردو ناوچەداریێن قەسرۆك و ئەترووشێ ب گوژمێ پتر ژ هەشت ملیار دیناران هاتە دانان.
پارێزگارێ دهۆكێ د پەیڤەكێ دا بەحس ل گرنگییا هەرسێ پڕۆژەیێن ناڤبری كر كو چەندین گوند و ناوچەداریێن دەڤەرێ پێكڤە گرێ ددەن و دێ بنە ئاسانكاری بۆ هاتنوچوونا گشتی یا وەلاتی و گەشتیاران و دابینكرنا كارەبێ، هەروەسا بەحس ل پشتەڤانییا بەردەوام یا حكومەتا هەرێما كۆردستانێ د گەهاندنا هەمی خزمەتگوزارییان دا ل هەموو دەڤەران كر، دیسا پیرۆزباهی ل خەلكێ دەڤەرداریا شێخان كر و خواست كۆمپانیێن بجهئینەر ل دووڤ دەم و ڕێنوماییێن دەسنیشانكری كار لسەر هەرسێ پڕۆژەیان بكەن، داكو د دەمێ خۆ دا بكەڤنە د خزمەتا گشتی دا.
