پارێزگارێ دهۆكێ ڕێیێن هەژمارەكا گـوندان ڤەكـرن
د. عەلی تەتەر، پارێزگارێ دهۆكێ دوهی 16/8/2026 و ب ئامادەبوونا د. نەوزاد عەبدوللا، بەرپرسێ لقێ ئێك یێ پارتی و بریندار حەیدەر، دەڤەردارێ دهۆكێ و هەژمارەكا ڕێڤەبەرێن دام و دەزگەهێن خزمەتگوزاری، ڕێیا گوندێ گەربەراسكێ ژ دۆڕیانا سیارەتویكا ب درێژاهیا پتر ژ سێ كیلۆمەتران ڤەكر، هەر د چارچۆڤێ پڕۆژەی دا هەردو ڕێیێن گوندێن مجلمەختێ ب درێژاهییا كیلۆمەترەك و 700 مەتران و زێوكا عەبۆ ب درێژاهییا كیلۆمەترەك و 100 مەتران ل سنورێ ناوچەدارییا مانگێشكێ ب دووماهی هاتینە و ل گەل ڕێیا ناڤبری كەفتینە د خزمەتا گشتی دا.
پارێزگارێ دهۆكێ د كۆنگرەكێ ڕۆژنامەڤانی دا دیاركر، لسەر راسپاردێن جەنابێ سەرۆك «مەسعود بارزانی» بۆ پتر خزمەتكرنا هەموو گوندێن شۆڕەشگێر و قوربانی دای، هەروەسا لسەر ڕاسپاردێن بەردەوام یێن «مەسرور بارزانی»سەرۆكێ حكومەتا هەرێما كوردستانێ و داخوازیێن وەلاتییان ب ڕێكا لقێ ئێك یێ پارتی، پڕۆژەیێن خزمەتگوزاری یێن چێكرنا رێك و رێباران و دابینكرنا پێدڤیێن خزمەتگوزاری بوو وەلاتیان ل هەموو دەڤەران بەردوامن.
پارێزگارێ دهۆكێ هەر د چارچۆڤێ سەرەدانا خۆ دا، لسەر داخوازا وەلاتیێن هەژمارەكا گوندێن دڤەرێ ڕازیبوون لسەر سەخبێركرن و قێركرنا ڕێكا ژ دۆڕیانا ئەلكیش بوو دۆڕیانا گوندێ گەربەراسكێ و سنۆرێ ئامێدیێ دا و ڕاگەهاند كو ڕێكا ناڤبری دێ هاتنوچوونا د ناڤبەرا ئیدارا سەربخۆ یا زاخۆ هەتا ئامێدیێ و دەڤەرێن ب سەرڤە ب گشتی بخۆڤە گریت و دێ بیتە ڕێیەكا كۆرت و ئاسان بۆ هاتنوچوونا ب سەدان گوندێن ل دەڤەرێ.
