پارێزگه‌رێ دهوكێ پێشوازیا شیره‌تكارێ سه‌رۆك وه‌زیرێن هه‌رێما ئیسن یا ئه‌لمانى كر
ئه‌ڤرۆنیۆز، ئه‌كره‌م ئیبراهیم:
ئێڤاریا رۆژا 12/10/2014 به‌رێز فه‌رهاد ئه‌تروشى پارێزگه‌رێ دهوكێ پێشوازیا به‌رێز (گیرهارد ڤوسكا ) شیره‌تكارێ سه‌روك وه‌زیرێن هه‌رێما ئیسن یا ئه‌لمانى كر .
دهه‌ڤدیتنه‌كێ دابه‌راهیێ شیره‌تكارێ سه‌روك وه‌زیرێن هه‌رێما ئیسن دیار كر كو ئارمانج ژ سه‌ره‌دانێ ئه‌وه سه‌روبه‌رێ ده‌ڤه‌رێ ژهه‌مى لایه‌كى ڤه ب تابیه‌تى ره‌وش و سه‌روبه‌رێ ئاواران و به‌رنامه و پلانێن حوكمه‌تا هه‌رێما و كارگێریا پارێزگه‌هێ یێن خزمه‌تكرنا ئاوارا بزانیت.
ژلایێ خوڤه پارێزگه‌رێ دهوكێ رولێ ده‌وله‌تا ئه‌لمانیا دبیاڤێ پشته‌ڤانى كرنا كوردستانێ دهه‌مى قوناغ و ده‌لیڤادا ب به‌رزى سه‌نگاند و هیڤى خواست كو ئه‌ف پشته‌ڤانى و هاریكاریه یا به‌رده‌وام بیت.
هه‌روه‌سا پارێزگه‌رێ دهوكێ كورتیه‌ك دا سه‌ر ره‌وشا ئاواران و ئه‌و خزمه‌تێن تانوكه ژلایێ حوكمه‌تا هه‌رێما كوردستانێ و رێكخراو و ئاژانسێن UN جڤاكى مه‌ده‌نى بو هاتینه كرن دیار كرن , هه‌روه‌سا پارێزگه‌رێ دهوكێ دیار كر، كو ئه‌ف ئاوارێن ل سنورێ پارێزگه‌ها دهوكێ روژ بو روژێ دزێده‌بونێ دانه و بو ئاكنجیكرنا وان ئاوارا ل پارێزگه‌هێ پێدڤى ب 50 هزار یه‌كه‌یێن ئاكنجیكرنێ هه‌یه داكو قوتاخانه و جهێن گشتى بهێنه ڤالا كرن و پرسا خاندنێ ده‌ست پێ یكه‌ت و دیار كر كو به‌رده‌وام رێژا هاتنا ئاوارا دزێده‌بونێ دا یه و ئه‌ف ئاواره باهرا پێتریا وان ژ ده‌ڤه‌رێن سه‌رب حوكمه‌تا فیدرال ڤه‌نه و ل دیف ئاستێ پێدڤى حوكمه‌تا فیدرال پشته‌ڤانى ل حوكمه‌تا هه‌رێمێ نه‌كریه و به‌لكى ئه‌ڤه 10 هه‌یڤه بودجه و موچێ فه‌رمانبه‌رێن هه‌رێمى ژلایێ حوكمه‌تا فیدال ڤه هاتیه برین.
هه‌روه‌سا پارێزگجه‌رێ دهوكێ دیار كر كو نوكه كار دچێكرنا 20 كه‌مپا دا بو ئاكنجیكرنا ئاوارا دا دهێته كرن و به‌رده‌وام حكومه‌تا هه‌رێمێ كه‌ل و پێدڤیێن ته‌نگاڤیا بو په‌یدا دكه‌ت وه‌كو خارن و ڤه‌خوارن و تشتێن دى یێن ناف مالێ و بوڤێ ژى حكومه‌تا هه‌رێمێ پێدڤى ب مه‌بله‌غێن مه‌زن یێن پاره‌ى هه‌یه
