پارێزگه‌رێ دهۆكێ دوپاتیێ ل خورتکرنا پەیوەندیان ل گەل وەلاتێ چیك دکەت
ئەڤرۆ نیوز:
ئه‌ڤرو ئێڤارى 13/6/2019 ل كوچكا مێهڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز (مایكل زڤوبودا ) قونسلێ وه‌لاتێ چیك وشاندێ دگه‌لدا كر.
دهه‌ڤدیتنه‌كێدا ب ئاماده‌بونا ئیسماعیل محەمەد هاریكارێ پارێزگه‌رێ دهوكێ بو كاروبارێن ئاواره وپه‌نابه‌ران به‌حسێ په‌یوه‌ندیێن هه‌رێما كوردستانێ دگه‌ل وه‌لاتێ چیك وره‌وشا ده‌ڤه‌رێ وره‌وشا ئاواره وپه‌نابه‌ران ل سنورێ پارێزگه‌هێ وئه‌و هاریكاریێن وه‌لاتێ چیك ب رێكا قونسلخانه‌یا خو پێشكێشى ئاواره وخوجهێن پارێزگه‌هێ دكه‌ت هاته كرن.
دته‌وه‌ره‌كێ دن دا به‌حسێ هه‌لبژارتنا سه‌روكێ هه‌رێما كوردستانێ وراسپاردنا سه‌روكێ نوو بو ئاڤاكرنا حكومه‌تا هه‌رێما كوردستانێ وروژا پارێزگه‌هبونا دهوكێ وئه‌و چالاكیێن بڤێ هه‌لكه‌فتێ هاتینه ل دارخستن هاته كرن .
پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وسوپاسیا وه‌لاتێ چیك كر هه‌مبه‌ر ئه‌و هاریكاریێن بو ئاواره وپه‌نابه‌ران پێشكێشكرین تایبه‌تى ئاڤاكرن وتومامكرنا ئاڤاهیێ سه‌نته‌رێ ئوتیزمێ ل دهوكێ وته‌كه‌زى ل سه‌ر خورتكرنا په‌یوه‌ندیێن هه‌رێما كوردستانێ وده‌وله‌تا چیك كر وخواست كو وه‌لاتێ چیك ئاستێ هاریكاریێن خو بو ئاواره‌یان وخوجهێن پارێزگه‌هێ پتر لێ بكه‌ت.
