پارێزگەها دهۆک ل دۆر ئەنجامێن تاقیکرنان هاتە دەنگ
ئەڤرۆ نیۆز:
ئه‌ڤرو سپێدێ 28/6/2018 فه‌رهاد ئه‌مین ئه‌تروشی پارێزگه‌رێ دهوكێ كومبونه‌كا به‌رفره‌ه دگه‌ل قایمقامێن قه‌زا و رێڤه‌به‌ر و سه‌رپه‌رشتیارێن په‌روه‌ردێ ل سنورێ ساز كر ,دكومبونێ دا گه‌نگه‌شه ل سه‌ر ئه‌نجامێن ئه‌زمونێن 9 ێ ناوه‌ندی و 12 ئاماده‌یی و ئه‌گه‌رێن كێم بونا رێژا ده‌رچونێ ل سنورێ پارێزگه‌هێ هاته كرن ,
به‌راهیێ پارێزگه‌رێ دهوكێ داكوكی ل وێ چه‌ندێ كرن كو پێدڤیه دیفچونه‌كا باش بو ئه‌گه‌رێن كێم بونا رێژا ده‌رچونێ بهێته كرن و شاشی دیار ببن چونكی نه‌یا سروشتی یه كو پارێزگه‌هه‌ك ده‌واما دورست بكه‌ت و رێژا وێ ژ پارێزگه‌هه‌كا دیا كو پێتر ژ 3 بایكوتا ده‌وامێ كری كێم تر بیت و دیار كر كو ئه‌و ب ههمی رژدی كاری ل سه‌ر دیار كرن ئه‌گه‌رێن كێم بونا ڤێ رێژێ كه‌ت دگه‌ل وه‌زاره‌تا په‌روه‌ردێ و لژنا په‌روه‌ردێ ل په‌رله‌مانێ كوردستانێ ,
دیڤدا ئیبراهیم سمو سه‌روكێ لژنا په‌روه‌ردێ ل په‌رله‌مانێ كوردستانێ كو كومبون ل سه‌ر ڤی بابه‌تێ گرنگ كاره‌ك فه‌ره و پێدڤیه راستی و ئه‌گه‌ر دیار ببن و به‌جسێ وان بزاڤا كر یێن پارێزگه‌ها دهوكێ و لژنا په‌روه‌ردێ كرین و دێ كه‌ت بودیار كرنا راستیا و ئه‌گه‌رێن كێم بونا رێژا پارێزگه‌هێ ,, هه‌روه‌سا ده‌ست خوشی ل په‌روه‌ردا پارێزگه‌هێ كر بو كارێ وان یێ پاقژ دپروسا چاڤدێری كرنا ئه‌زمونا دا ,
پاشی رێڤه‌به‌رێ گشتی یێ په‌روه‌ردا پارێزگه‌هێ ماموستا عمر علی دیار كر كو دیف چونا پارێزگه‌هێ ل سه‌ر ڤی بابه‌تی كاره‌ك پیروزه و هیڤی خواست كو ب ڤێ دیف چونی ههمی راستی و ئه‌گه‌ر دیار ببن ,
پاشی گه‌نگه‌شه ژلایێ قایمقام و سه‌رپه‌شتیاران ڤه هاته كرن و چه‌ندین پێشنیار بو بساناهی دیار كرنا ئه‌ڤه‌را دانه دیار كرن ,
ل دیماهیێ به‌رێز فه‌رهاد ئه‌مین ئه‌تروشی پارێزگه‌رێ دهوكێ بو ده‌زگایێن ۆاگه‌هاندنێ دیار كو پشتی ئه‌نجامێن ئه‌زمونێن ویزاری هاتینه راگه‌هاندن مه دیت یا فه‌ره كومبونه‌كا به‌رفره‌ه لسه‌ر ئاستێ په‌روه‌ردا گشتی و هنده‌ك لایه‌نێن دی یێن په‌یوه‌ندیدار وه‌كو په‌رله‌مانێ كوردستانێ و ئه‌نجومه‌نێ پارێزگه‌هێ بهێته ئه‌نجام دان و ئه‌ف بابه‌ته هاته گه‌نگه‌شه كرن بوچی ژ سه‌رجه‌مێ 57 كه‌سێن به‌راهیكی یێن ده‌رچوی تنێ ئێك قوتابی ژ یارێزگه‌ها دهوكێ بیت مه دیف چونا ڤی بابه‌تی كر ,
هه‌روه‌سا گوت : مه‌به‌ست ژ ڤێ كومبونێ بابه‌تێن ئیجابی بوینه بو پێشڤه‌برنا پروسا په‌روه‌ردێ ل سه‌ر ئاستێ پارێزگه‌هێ و كارتێكرنێ ل هه‌رێما كوردستانێ دهه‌مان دمدا داخازێ ژ حكومه‌تا هه‌رێمێ و وه‌زاره‌تا په‌روه‌ردێ و ئه‌نجومه‌نێ وه‌زیران و لژنا په‌روه‌ردێ و خاندنا بلند ل په‌رله‌مانی و ههمی لایه‌نێن په‌یوه‌ندیدار كو دیف چون دڤی بابه‌تی دا بهێتی كرن ئه‌گه‌ر كێشه ژ پارێزگه‌هێ و پروسا په‌روه‌ردێ و رێڤه‌به‌ریا گشتی یه دا دگه‌ل وان بابه‌تی چاره‌كه‌ین خو ئه‌گه‌ر بابه‌ته‌كێ دیه پێدڤیه دیف چون و پێرابون بهێنه كرن و بوچی ل پارێزگه‌ها دهوكێ ل ئاستێ سیێ و دیماهیكێ دهێت و رێژا قوتابیێن ئێكێ ل دهوك كێمتره و هنده‌ك جار چ رێژه نینه و دبیت نابیته 2% كو ژ 57 كه‌سا تنێ ئێك ل دهوكێ بیت ,
دیسان گوت ب خوشحالی ڤه ئه‌و لایه‌نێن ئاماده‌بوین پێزانێن باش هه‌بون و دیار كرن دیسان پێشنیار هه‌بوینه و دێ به‌رده‌وام دیف چونێ كه‌ین تا راستی دیار دبن .
ده‌رباره‌ی پاقژیا سه‌رپه‌رشتیا ئه‌زمونا ل پارێزگه‌هێ كو ئه‌گه‌رێ كێم بونا رێژێ بیت .. پارێزگه‌رێ دهوكێ گوت : بو دیروكێ دێ بێژم كو ئه‌ڤه دیده‌ڤانیا وه‌زیێ په‌روه‌ردێ بویه كو كو ب تیلفونێ ئاخفتیه به‌حس كری كو دهوك دهه‌می بوارا دا تایبه‌ت لایه‌نێ پابه‌ند بون و پێگیریا ب رێنما و پاقژیا چاڤدێریا ئه‌زمونا و كێم بونا دیاردێن هه‌ین زور زور باشه و رێژا سه‌رپێچا كێمتره ژ ههمی كوردستانێ و دبیت ئه‌ڤه ئێك ژ فاكته‌را بیت كو رێژا دهوك كێمتر بیت لێ ئه‌م دێ دیف چونێ كه‌ین تا راستی دیار دبن .
هه‌روه‌سا سه‌روكێ لژنا په‌روه‌ردێ و خاندنا بلند ل په‌رله‌مانێ كوردستانێ ل دور پێرابونێن وان بو داخازیێن پارێزگه‌ها دهوكێ لسه‌ر ڤی بابه‌تی كا دێ هه‌لویستێ وان چ بیت گوت: ئه‌م ژ روژا ئێكێ یا ئه‌زمونا دكه‌ڤینه دحاله‌تێ ئاماده باشیێ دا و هه‌ر پرسیاره‌ك یان گازنده‌ك بگه‌هیت مه هنده‌كا ژوان دگه‌ل وه‌زاره‌تێ ئێكسیه‌ر به‌حس دكه‌ین ,, لێ یا ئه‌ڤرو یا پارێزگه‌ها دهوكێ هاتیه كرن و پشتی گه‌نگه‌شه‌كا به‌رفره‌ه بومه دیار بویه كو غه‌دره‌ك ل دهوكێ بویه و یا گرێدای پارێزگه‌هێ هاته ده‌ست نیشان كرن و و داخازیێن كومبوین دێ ل هه‌فتیا بهێت ل لژنا په‌روه‌رده و خاندنا بلند ل په‌رله‌مانی دێ كوم بیت و دبیت بوردێ ئه‌نجومه‌نێ وه‌زیران كومبونه‌كا بله‌ز بهێته كرن چونكێ نه‌یا ره‌وایه كو سێ هه‌یڤا بایكوت بهێته كرن ل سلێمانیێ و لدهوكێ پێگیری ب ده‌وامی هه‌بیت و ل سلێمانیێ 36% و دهوكێ رێژا 19% بیت و ئه‌م وه‌كو لژنا په‌روه‌ردێ دێ دیف چونێ كه‌ین و هه‌فتیا بهێت دێ ئه‌نجامێن دان و ستاندنێن بو میدیایێ دیار كه‌ین .