پتر ژ پێنج هزار پارچەیێن ئەردی ل ئاكرێ دێ هێنە بەلاڤكرن
رەمەزان زەكەریا:
بڕیارە ل ڤێ حەفتیێ پرۆسێسەكا بەرفرەهـ یا بەلاڤكرنا ئەردی ل سنۆرێ دەڤەرداریا ئاكرێ و گردەسێن دەست پێ بكەت و ب هزاران وەلاتی دێ ژێ مفادار بن.
بلند رزا زبێر، سەرۆكێ باژێرڤانیا ئاكرێ بۆ ئەڤرۆ گۆت: «ئامادەكاریێن پێدڤی بۆ پرۆسێسێ ب دوماهی هاتی نە و ل رۆژا پێنجشەمبی 18/6/2026 دێ دەست ب بەلاڤكرنا ئەردی هێتە كرن».
ناڤبری گۆت ژی: «د ڤێ قووناغێ دا پتر ژ پێنج هزار پارچەیێن ئەردی لسەر فەرمانبەران دێ هێنە بەلاڤكرن، ل سەنتەرێ ئاكرێ نێزیكی هزار و 400 پارچەیێن ئەردی دێ هێنە بەلاڤكرن، ل ناوچەداریا گردەسێن ژی نێزیكی سێ هزار و 700 پارچەیێن ئەردی دێ هێنە بەلاڤكرن».
سەرۆكێ باژێرڤانیا ئاكرێ زێدەتر گۆت: «ئەڤ پێنگاڤە د چارچۆڤەیێ بزاڤێن حكومەتێ و لایەنێن پەیوەندیدار دایە، بۆ دابینكرنا مافێ وەلاتییان، چارەسەركرنا ئارێشەیا ئاكنجیبوونێ و پێشكێشكرنا خزمەتگوزارییان بۆ خەلكێ دەڤەرێ».
