پرۆسێسا وەرگرتنا گەنمی ل سایلۆیان دەست پێ كر
لەزگین جۆقی:
نازم محەمەد، رێڤەبەرێ بازرگانیا دەخل و دانی ل دهۆكێ و رێڤەبەرێ سایلۆیا فەیدیێ بۆ رۆژناما ئەڤرۆ دیار كر، پرۆسێسا وەرگرتنا گەنمێ جۆتیاران ل سایلۆیا شێخان و زاخۆ و رۆڤیا و فەیدیێ دەست پێ كر و دبێژیت: گەنمێ ئەڤ سالە گەلەك یێ باشە، دووڤ پشكنین بۆ هاتینە كرن، كار هاتیە كرن پتریا گەنمی ژ جۆتیاران بهێتە وەرگرتن و هەموو ئاسانكاری بۆ جۆتیاران هاتینە كرن.
خالد بیبۆ، رێڤەبەرێ سایلۆیا شێخان بۆ ئەڤرۆ دیار كر، ل سایلۆیا فەیدیێ دەست ب وەرگرتنا گەنمێ جۆتیارێن پارێزگەها دهۆكێ هاتە كرن، ئەڤ سالە 116 هزار تەنێن گەنمی ژ جۆتیاران دێ هێنە وەرگرتن.
ئەحمەد جەمیل، رێڤەبەرێ گشتی یێ چاندنێ ل پارێزگەها دهۆكێ بۆ ئەڤرۆ گۆت: «پشتبەستن ب ڕاسپاردەیێن سەرۆكێ حكومەتێ، ئەڤ سالە چو بەرهەمێ جۆتیاران ب هەروە ناچیت، ب بڕیارا سەرۆك وەزیران مەسرور بارزانی، بەرهەمێ گەنمێ ئەڤ سالە یێ جۆتیارێن كوردستانێ هەمی دێ هێتە وەرگرتن، هەم بۆ بازاڕێ ناڤخۆ و هەم ژی دێ هناردەی دەرڤەی وەلاتی هێتە كرن، جۆتیار و كۆمپانیێن حەز دكەن گەنمی بكڕن یان بهنێرنە دەرڤە، دشێن داخوازیا خۆ پێشكێشی دەستەیا وەبەرهێنانێ بكەن».
ئەحمەد جەمیل گۆت ژی: «دەرگەهێ پێشكێشكرنێ ژ ئەڤرۆ هەتا حەفت رۆژێن دی دێ یێ ڤەكری بیت».
