پرۆژەیێ ستراتیژی یێ سێجێ – سێمێل گەهشتە ٥٠٪
دلۆڤان ئاكرەیی:
ئەندازیارێ پرۆژەیێ رێیا جوتسایدێ گوندێ سێجێ بۆ سێمێل دیاركر، هەتا نوكە ڕێژەیا ئەنجامدانێ ڤی پرۆژەی گەهشتیە ٥٠٪ و درێژیا رێكێ 6 كیلۆمەترێن ژێ جاددا سەرەكی ژێ سێجێ هەتا دەڤەرا سێمێل و زێدەباری وێ دێ 2.5 كیلۆمەترێن دی یێن جاددێ هێنە كونكریتكرن كو ژ كۆلێژا چاندنێ هەتا جاددا سەرەكی ب خۆڤە دگریت.
مەحەمەد سالح موستەڤا، ئەندازیارێ پرۆژەیێ سێجێ بۆ سێمێل ل دۆر تێچوویا دارایی یێ ڤی پرۆژەی بۆ رۆژنامەیا (ئەڤرۆ) گۆت: پارەیێ پڕۆژەی هاتیە تەرخانكرن ژ لایێ حوكمەتا هەرێما كوردستانێ ڤە، ل سەر بودجەیا تایبەت یا پارێزگەها دهۆكێ و پێكهاتەیێن پڕۆژەی ژی پێكدهێن ژێ ئۆڤەرپاس و یوتێرن و چار ئۆڤەرپاسان (Overpasses) كو دێ ئۆڤەرپاسا نۆرس برێج ل سەر ڕێكا جاددا تەناهیێ بۆ جاددا سێجێ، دگەل ئۆڤەرپاسەكا دی ل سەر هەمان جادە و ئۆڤەرپاسا سێیێ دێ ل هەمبەر كۆلێژا زانكۆیا ئەمریكی بیت كو یا نوكە دێ هێتە ڕاكرن و ڕاستكرن و ل جهێ وێ دێ یوتێرنەكا دی هێتە چێكرن.
ئەندازیار مەحەمەد سالح ئاشكرا كر، پرۆژەیەكێ دی یی خزمەتگوزاری هێتە دروست كرن بۆ رێگریكرنێ ل درۆست بوونا لەهیان و ئەڤ پڕۆژەیە پێكهاتیە ژ سۆلینا تۆڕا سۆلینێن ئاڤا بارانێ یا جاددێ، ل هەر دوو ڕەخێن جاددێ دێ هێتە دانان هەتا دەربازبیت بۆ تەسریفكرنا ئاڤێ وەك چارەسەری بۆ ئاریشا لافاوێن چەندین سالان ل سێمێلێ دروست دبن د وەرزێ زفستانێ دا، دێ سۆلینەكا دی یا دۆبڵ سندوقی (Double Box Culvert) ب قەبارێ 3-times 2 مەتر ل پشت كۆلێژا چاندنێ و زانكۆیا ئەمریكی هێتە چێكرن و درێژیا ڤێ سۆلینێ نێزیكی 6 كیلۆمەترایە و دێ د جاددا سەرەكی دا دەربازبیت و ب دووماهی هاتنا ڤێ پرۆژەی دێ كێشەیا 50 سالێن بهێت یا ئاریشا لەهیان د ناڤ سێمێلێ دا چارەسەر بیت.
