پشتی داستانا لۆمانا 34 كەس ل گونـدێ مـە هاتنە گرتن
دیدار، سالار محەمەد دۆسكی:
2 – 5
وی دەمی (سلێمان بەندی و شەفیق كورەماركی) ئامر سری بوون و (شەریف كورەماركی و قادر گەل بەراسكی) ژی ئامر سربوون و هەرئێكێ كومەك ل گەل بووم، جووداهی یا شەرێن ئیلۆنێ لگەل گولانێ ئەو بوویە ئیلۆنێ بەرەڤانیكرن بوو و گولانێ مە هێرشكرن، دەمێ ئەم زڤرینە دەستیردانێ ئەم هاتینە بن (گلالە) زالگەهەكا پێشمەرگەی رێكێ دا بوو و گۆتن فەرمانا دەستیردانا هەوە بوومە نەهاتیە و ئەم چار پێنچ پێشمەرگە بووین و مە خوە گیروكر و پەیوەندی ب هاتەكرن و گۆتن وەرن هەرن فەرمانا دەستیردانا وە هات و پیكەمەك هات و ئەم پێ هاتینە خوارێ ل سەر ئاڤێ و ترۆمبێل ب شەڤ دهات و بێ گلوپ وی دەمی كەسەكی پاتەكێ سپیی دهاڤێتە سەر ملێن خوە و شوفێر دووڤ دا دهات و ئەم هاتینە سەرێ(حەسەن بەگێ) و ترۆمبێلا مە سەر بەرەكی دا چوو خوار و بەرێ بلندە و تانكێ گازێ كەفتە سەر بەری و ترۆمبێل ما هەوە و مە ترۆمبێلا خوە سەر بەری ئینا خوار و تانكێ پانزیكێ كوم بوو، مە دارەك كرە جهێ كونێ را دا گازا ترۆمبێلێ هەمی نە رژیت بۆ نێزیكی بەرێ سپێدێ و كەسەكێ رێكا كەسێ نەكر، رێك ئێك سابد بوو و ئێكێ خەلكێ دەڤەرا سوران هات و مە گۆتێ رێكا مە بكە وی گۆت رێكا مە بكە و من گۆتێ رێكا مە بكە ترۆمبێلا مە قەلابەیە و یا تژی ئارە و دێ بۆ (حسو میرخان) ئینە شێخان و هێشتا نەبوویە رۆژ و ئەم هاتینە سەرێ دەشتا (هێستێ) بۆ سپێدێ و ترۆمبێل كرە بن ئەوان چیا ڤە و بارەگایەك بارزانیان وێرێ بوو مە گۆت دێ چین نانەكی خوین و ئەم نێزیك بووین و فرۆكە هاتن و ئەو رەڤین و ئەم ژی چووینە سەر تێشتا وان و مە خوار و ئەم ماینە بن ئەوان چناران، بیرا من دهێت وی دەمی تێشتێ ساڤار چێكربوو وی دەمی هەمی جهـ جەبەهەبوو هەتا ئێڤاری جارەكا دی شوفێر هات و ئەم هاتین هەتا گەهشتینە بارزان، ژ نشكەكی ڤە تایرەكا ترۆمبێلا مە پەنجەر بوو و دەنگەكێ مەزن ژێ هات و شوفێری گۆت هوون هەرن هەتا ترۆمبێلا خوە چێ كەم و بتنێ دێ ڤێرە بم ترسم فرۆكە بێن باشترە و ئەم ژی چووین و شوفێری گۆت هەتا ئێڤاری دێ گەهمە هەوە و ئەم هاتینە بارزان ومە خوارنەك خوار و هەتا بوویە ئێڤار و زڤرینە سەر رێكێ هەتا لوفێن ژ بارزان هێرڤە ئەم هاتین و مە دیت شوفێرێ مە هات و نە راوستیا ئەم چووینە بەراهیی كورو ئەڤە دو رۆژە ئەمێ ل گەل تە وی گۆت بارێ منێ گرانە، باشە كورو ئەڤە دو رۆژە بۆچی سڤك بوو نوكە گران بوو؟، ئەم ماینە پێڤە وی گۆت نەشێم هەوە بگەهینم و ئێك ل گەل مە بوو بناڤێ( شەعبان) یێ ناڤ سال ڤە چوو بوو و مە گۆتێ ڤی ل گەل خوە بە ل گەل جانتێن مە و ئەم دێ ب پیادە هێین و ئەم پیا هاتین هەتا هەتا سەر ئاڤا (سێریێ) دەمێ گەهشتین مە هەڤالێ خوە (شەعبان) وێرێ بوو و ئەم ل ئاڤێ دەربازبووین وی دەمی خەلكی بخوە بازرگانی دكر و ترۆمبێلەك ل وێرێ بوو مە ل گەل ئاخفت و ئەم گەهاندینە دەڤەرێ و هەر ئێك ژ مە چوو دەڤەرەكێ ئەم شش حەفت كەس بووین و پشتی گەهشتینە جهێن خوە و مە گۆت دێ ماوەكی بهێنا خوە ڤەدەین و چونكە ئەو شەش حەفت هەیف بوو، هێشتا ئەم دبهێنڤەدانێ دا شەرێ(گرێ رەش) چێبوو و چەند شەهید دابوون و جاب هات كو (فارس كورەماركی) هێزا وی بچیتە وێرێ و پێشمەرگە وەستیایە، دوڤدا گۆتن دەستیردانا هەوە بتنێ 15 رۆژان و دڤێت بچنە بەرۆكێن شەری و 15 شەری و 15 مال ئەڤە ل سالا 1974 بوویە و ئەم ماین هەتا رێكەفتنا خیانەتكاری یا جەزائیر ل سالا 1975ێ، وێرێ (فارس و جاسم) مالێن وا ل (كەلەشخویێ) بوون ل دووماهی یا (مەتینی) ئەز و موختار و هەڤالەك دی ب سەردان، چووینێ (جاسم) خالێت وی بوون، سپێدێ( فارس) گۆت دەوارەكێ پەیدا كەن (ئەسعەد خوشەڤی) جابا من هنارتیە وی دەمی (ئەسعەد) ل (زێوێ) بوو و هاتینە هنداف (بانكوئەرزا) ملەكا پیچەك رووتە، كاغەزەكا دی گەهشتە دەستێ(فارس كورەماركی) و خودێ ژێ رازی (فارس كورەماركی) گۆت ئەڤە شڤێدی وەرە كاغەزا سیێ یە (ئەسعەد) بوومن دهنێریت بتنێ (ملا مستەفا بارزانی) یێ ساخ بیت چ چێبیت بلا چێ بیت، و تشتەكێ مەزن دروست بووی، ئەم هاتینە (زێوێ) هەڤالێت مە وێرێ نە و هەمی عاجزن و مە بابەت بۆ شرۆڤەكر كو (ئەسعەد) جابا مە هنارتیە و هەڤالێت مە گۆت هەوە خێرە ئەم كوردێن پیچ بووین و (فارس و جاسم) هاتن و گۆتنە مە هەرنە مال و هەر (كورەماركیەكێ) هوون بینن بابەتی بۆ شرۆڤە بكەن و ب دەنگەكێ بلند گۆتە خەلكێ گوندی نوكە سەرەدانێن مە نەكەن و هەر ئێك بچیتە مالێن خوە و سەر كارێ خوە و هەر كەسەكێ چ ڤێت بلا بخوە بكەت، ئەم هاتین (كورەماركی) هاتنە بەراهی یا مە و مە گۆتێ بابەت ئەوان گۆتە مە هوون دین بووینە و چەوا دێ پیچ بووین و ئەم دەولەت بووین چونكە چەك ئیرانێ دامە و هندی تە چەك راكربا تە خلاس نەدكر و مە بتنێ فرۆكە نەبوون و مە ئەرزاق و بارەگا و هەمی تشت هەبوون و هندەك چوونە ئیرانێ و هندەكا چەكێن خوە رادەستی حوكمەتێ كرن، شكەستنەكا هوسا نەخوش بوو خو قەدەمێن مە شكەستن و ئەم نەشیاین ب رێڤە بچین چوكە ئەڤە نە شەستنا كەسەكی بوو ئەڤە شكەستنا مللەتەكی بوو بەلێ ما دا چ كەین، من بزاڤكرن بچمە ئیرانێ لێ وی دەمی بابێ من گەلەكێ بێچارە بوو و پێدڤی ب چاڤدانێ بوو و گۆت حەز دكەم چاڤدێری یا من بكەی،(بەهجەت) ئەفسەر بوو ل گەل پێشمەرگەی و ببوو ئامر سریێ پولیسان و گۆت دێ چمە ئیرانێ و من گۆتێ ئەگەر بچی ئەژی دێ ل گەل تەهێم و دووڤ دا ئەم نەچووین و ماوەكی ماینە مال مە كارێ خوە كر و هەتا سالا 1976 سەركردایەتیا بەروەخت (محمود ئێزدی) هاتە دەڤەرا مە، (زوراب) یێ سوران بوو دهاتە دەڤەرا سندی و گولیان، (محەمەد نزاركی) دهاتە ئەڤێ دەڤەرێ بەلێ دەسپێكێ (مەحمود) ئەو هاتن و دهاتە دەڤەرێ دگەری یا و كادرێ بەری نسكۆیا 1975 ل دەڤەرێ (محەمەد تاهر بانی) بوو خەلكی دگۆتێ(هیرۆ) وەختی دا ئەندامەكێ رێكخراوا (زاویتە) بوو.
