پشتی داستانا لۆمانا 34 كەس ل گونـدێ مـە هاتنە گرتن
دیدار، سالار محەمەد دۆسكی:
4 – 5
من گۆتێ بلا بەلێ نە سوباهی بچینە جهەكی و بریندارەك یان شەهیدەكی بدەین و بێژن بێ ئیفلحیا وی بوو و هات بەلا خوە ژ مە ڤەنەكر گۆت نە نە ئەڤە كارێ مەیە و ئەمێ بێژینە تە دا كریارەكێ بكەین دا نە زڤرینە دەڤەرێ بێ ئەنجامدانا چالاكیەكێ و من حەسكر بچینە فەوجا (باگێرا) و دووڤ دا ئەم هاتینە سەرێ چیایی و ئەوان گۆت ما وا هە نەرەبیە من گۆتێ بەلێ گۆت پا دێ چینە وێرا هە چێ هەما دێ هاڤێژینە ڤێ رەبیێ و من گۆتێ هەوە فەوجە دێ دەنگێ وێ زێدەتر بیت ژ ئەڤێ رەبیا سەرێ چیایی ئەوا گۆت ئەڤە ژی یا باشە و ئەم ماینە سەری ئەوان ژی ئارپیچەك هاڤێتێ و ب كلاشینكوفا مە چەند گولە هاڤێتن و ئەم چووینە خارێ و چووینە (خرابیا) وێ شەڤێ مە خوارن خوار و ئەم چووین و گوند بەر گوند هەتا چووینە (كانیا باسكا) دبوونە خزمێن (حامد) مە ژی گۆت ئەم سپێدێ زیكا نا دەركەڤین و دێ نانەكی خوین و پاش دێ چینە گەلیەكێ ئەڤان دەڤەرا و ئەم سپێدێ رابووین تەماشە كەین هندەك مرۆڤێن سەر ئەوان كەڤرا ل هنداڤ سەرێ مە و ابوو ئەوێن هە چ مرۆڤن؟ من گۆت ئەڤە چەتەنە و عەسكەرە و ئێكێ گوندی بناڤێ(میرزا) رێكخستی بوو و مە گازیكرێ و ئەوژی هات و مە گۆتێ ئەڤە نەكینە؟ گۆت دووڤ مە را وەرن و ئەم ژی هاتینە رویباری و چاڤێ ئەوان مرۆڤان ب مە كەفت و ئەم (15) زەلامین و ئێكسەر ئەوان مرۆڤا هاڤێتە مە و ئەم ژی سەركەفتینە بەتنێ و جهەكێ بلند بوو و هەتا ئێڤاری ماین و كەس نەهات چونكە بلندین و رۆژا پاشتر چووینە (گابێركێ) و دەربازبووینە (خورپنیێ) وێ شەڤێ ماین و دوڤ دا چوینە رەخێ(مێزێ وچەمانكێ) و مە گۆت دێ چینە مال و چووینە (ئاتوشێ) مە (خالد) دیت ئەم دێ چینە دەستیردانێ و ئەو ژێ ژ دەستیردانێ دهێت و هاتە دەستێ من و بخێرهاتنا من كر و من گۆتێ چ بكەم و هوون دێ چل من كەن و گۆت تو پێشمەرگە تەدڤێت ل گەل مە بزڤرە دێ چینە جەولێ و تەڤێت هەرە دەڤەرێ روونە خوار ل بەرێ گارەیی تەڤێت تە فرێكەینە لقێ و تە ڤێت دی تە فرێكەینە ئیرانێ و ئەڤە هەمی ل بەر تنە و من گۆت لق و ئیرانێ هوون نەبێژن هەرە ئەز ناچم و بەلێ من دڤێت ماوەكی ل دەڤەرا بەرێ گارەی بم چونكە دایك و بابێن پێشمەرگە دگرن و دێ دایك و بابێن من ژی گرن و گۆت كەیفا تەیە و ئەز چوومە بەرێ گارەی و هەڤالەكی ب رێڤە گۆت وەستیام و من چەكێ وی هەلگرت و بیست رۆژا مامە ل بەرێ گارەی هەچكو ل زیندانێ دا و بهێنا من تەنگ بوو و هەڤالەكی گۆت دێ چینە جەولەكێ دێ هێی یان دێ مینی من گۆتێ دێ هێم، هاتمە گابێركێ دەف (اسماعیل) ئەوژی بەرپرسەكێ مەیێ رێكخستنێ بوو و من گۆتێ مە هندەك چەك هەبوو ڤێرێ مایە نەمایە گۆت بتنێ برنویەكا مای و من گۆتێ كلاشینكوف گۆت نەماینە و من گۆتێ یا باشە و ئەم ژوردا چووینە و هێشتا ئەم ل بەرێ گارەی هندەك جەماعەتێن (حزب دعوە) ژ ئیرانێ هاتبوون و چەك ل گەل بوون و ئەو ژی ب ژڤان بوون بچنە مویسل و هاتن گۆتن بابەتێ مە ئەڤە یە و مە گۆت دێ گەهینە (خالد بانی) ئەو دێ ب رێكێن خوە گەهینە مویسل، ئەم ژوورا چووینە دەف (خالد) ل (كانی گولانێ) ئەم چووینە دەف وێ ئێڤارێ دو هنارتنە مویسل و ئەم وێ شەڤێ ماینە وێرێ و من پرسیارا هندەك هەڤالان كر گۆتن چووینە (شاریا) دەڤەرێ هندەك گوتارا بۆ خەلكی بێژن و هەتا تینە نێزیك شكەفتێن دەڤەرێ وهندەك كوچەرات هاتبوون ئەم شەڤێ ووینە دەف و ئەم ب شەڤ بووینە مێهڤانێن وان و (ئەحمەد بامەرنی و ئەحمەد سكرینی) ژی هات و ئەم شەڤێ نڤستین و سپێدێ هاتینە (گەلیێ كورتكێ) ئەم گەهشتینە (ئەڤریكێ و تەلوە) ئەم ب شەڤێ ماین و رۆژا پاشتر گۆتن بۆچی ناچینە سەرێ ئەڤی چیایی گۆت تە نەشێی من گۆتێ بۆچی نەشێم و ئەم چووینە سەرێ چیایێ زاویتە و (خالد)گۆت دێ شێی هێ یە ڤی جهی .؟ من گۆتێ بەلێ بەلێ ئەوێن گەل من فرێكەی دڤێت بەرپرسایەتی دەستێ من دا بیت و بێژمێ چ بكەن دڤێت گوهداری یا من بكەن گۆت بلا بتنێ تو وەرە ڤێرە، و (10) زەلام دانە ل گەل من و ئەم ب شەڤ هاتین و من پلان دانا و هەڤالێن من جهێن خوە گرتن و هەر ئێكی كارێ خوە زانی و سپێدێ زێرەڤان هاتنە ئاڤێ و مە ژی هاڤێتێ و مە چەكێ وان ئینان و دووێن (حزب دعوە) ژی ل گەل مە بوون و ێك هێرشێ ل گەل مە بوو و ئێك زێرەڤان بوو و چاڤێ وی لێ بوو وەختێ مە هاڤێتیێ وەختێ زڤرین گۆتە هەڤالێن خوە ئەڤە بەعسیا دكوژن وەرن پێڤە ماچی كەن و گەلەك كەیفا وان هات و ئەم سپێدێ چووینە (پێ نارینكێ) چووینە جەولا فرۆكە هاتنە دەف مە و سپێدێ (خالد) گۆت هەرە چار زەلامان ل گەل خوە بە (گزوبێدیلا) و دەمژمێر چاری شەڤێ هەر و من گۆتێ باش و هەڤالێن مە ئەوێن دێ مە هشیار كەن و ەختی رابووم من گۆتێ دەمژمێر چەندە؟ گۆتن سێی ئەو ژی چوون دێ ئێك دو ب گوهورن لەشكرێ حوكمەتێ دهێتێ و هەڤال پێ حەسیان و دویێن زێباری نە پێشمەرگە بوون ب تنێ رەڤی بوون و ل گەل (خالد) وان بوون و دەمێ ل گەل دەنگێ لەشكری بووین كو یێ دهێت ئەوان ئێكسەر جهێ خوە بەردان و چوونە گەلیێ خارێ و (عەبو عەلو بانی و محێ) چوونە جهێ وان و لەشكر هاتن و هەر دو كەفتنە بەرئێك ئەوا ب عەرەبی تاخفت و پێشمەرگە هزر كر ئەڤە (شوعی) نە و پرسیار كر و رەمی ئێك و دو دكرن بازدان هاتنە رەخێ( سوریا) هەر ئێكی هەڤالێن خوە قورتالكرن و (خالد ) گۆتە من هەرە وێرا هە وە و گۆتە (حامد) ژی هەرە وێرا هە و پێشمەرگە لێكڤەكر و گۆتە (حامد) هوون هەرنە فلان گەلی و جهەكێ ئاسێ یە و هەرن خوە پارێزن و گۆتە من دێ چینە پێش (بێنارینكێ) ئەگەر زێرەڤانێن مە هاتبنە كوشتن دێ تولا زێرەڤانێن خوە ڤەكەین من گۆتێ بلا ئەم ب سەركەفتین و هەتا بوویە رۆژ و فرۆكە هات و زانی هاتن دەڤەرێ و كەفتنە گەلی و دووڤ دا خوە ڤەكێشا و(خالد) گۆت ئەم نەشیێن نوكە شەری بكەین و بوو سپێدێ و هەتا ئێڤاری مە چەك نامینت و كەسەك تەوارا مە ناهێت و گۆت ناچین بۆ سپێدە و ئەم ماینە ئێڤاری.
