پشتی نە گەھشتی نە رێککەفتنێ ل گەل سوریەکی دبیت زاخۆ رومانیەکێ دی بینت
ئەڤرۆ نیوز، ھەژار مەعروف:
ژێدەرێن دەنگوباسی وەسا دیاردکەن کارگێریا یانا زاخۆ دەست ب پەیوەندیا کری یە ل گەل دو راھێنەرێن پیشەکار پشتی د بزاڤێن خوە دا نە گەھشتی نە چو رێککەفتنا ل گەل راھێنەرێن عیراقی کو ئەو ھەردو راھێنەرێن پیشەکار یێ ئێکێ سوری و یێ دوێ یێ رومانی یە.
وەسا ژی دھێتە دیارکرن زاخۆ ب فەرمی پەیوەندی ب راھێنەرێ سوری و یانا ھەولێرێ یێ بەری نوکە نزار مەحروس کری یە لێ ھەردو لایەن نە گەھشتە چو رێککەفتنا ل گەل ئێک ژبەرکو راھێنەرێ سوری داخوازیا ھەڤبەستەکا بلند کر بوو زاخۆ ژی یا بەرھەڤ نەبوو وی کوژمێ پارەی پێشکێشی وی بکەت ل ڤی دەمی ھەر چەندە کارگێریا یانێ گەلەک بزاڤکرن ژی، دبیت زاخۆ ب گەھیتە رێککەفتنێ ل گەل راھێنەرێ دووێ ئەوژی یێ رومانی ئیوان مارین کو راھێنەرەکێ بەرنیاسه ل سەر ئاستێ رومانیا خولێن کەنداڤی.
ئیوان مارین بەری نوکە راھێنەریا یانا کویت یا کوێتی کری یە دەمێ بوویە قارەمانا ئاسیا ل یاریا دووماھیێ دا سەرکەفتن ل سەر ھەولێرێ تومارکری ب چار گولان بێ بەرامبەر و ھەردیسان راھێنەریا یانا ئیتیفاق یا سعودی کری یە ئەنجامێن باش ل سەر ئاستێ قارەمانا یانێن ئاسیا و خۆلا سعودی ل گەل وێ یانێ ئینا ھەردیسان یانا کلوج یا رومانی گەھاند بوو قوناغا ھەشتێ ژ قارەمانیا چامپیونس لیگا ئورۆپا .
ئیوان راھێنەریا ھەلبژارتیێ رۆمانیا یێ ئێکێ ژی وەرگرتی یە و دو جاران ب باشترین راھێنەر ل سەر ئاستێ رومانیا ھاتیە خەلاتکرن.
