پشكا هەوارهاتنێ ل بنگەهێ ساخلەمیا بەردەڕەش هاتە ڤەكرن
دهۆك، لەزگین جوقی:
دەڤەردارێ بەردەڕەش دیار كر، پشكا هەوارهاتنێ ل بنگەهێ ساخلەمیا بەردەڕەش ب شێوەیەكێ بەروەخت هاتە ڤەكرن، هەتا نەخۆشخانەیا تەنگاڤیان ل بەردەڕەش دكەڤیتە كاری و دبێژیت: چار نۆشدار دێ تێدا خزمەتێن ساخلەمیێ پێشكێشی وەلاتیان كەن.
ئیسماعیل مستەفا، دەڤەردارێ بەردەڕەش دیار كر، ژ ئەنجامێ گرنگیدانا حوكمەتا هەرێما كوردستانێ ب كەرتێ ساخلەمیێ دوهی 2/4/2023 پشكا هاوارهاتنێ ل بنگەهێ ساخلەمیا بەردەڕەش هاتە ڤەكرن و گۆت: «بۆ دەمێ 24 دەمژمێران ژ نوكە و پێڤە خزمەتێن بلەز یێن هاوارهاتنێ بۆ خەلكێ بەردەڕەش دێ هێنە پێشكێشكرن، ئەڤە دێ بیتە بارسڤكی بۆ نەخۆشان».
د. خچر سالح، رێڤەبەرێ ساخلەمیا بەردەڕەش بۆ ئەڤرۆ گۆت: «مە ب نڤیسارێن فەرمی داخواز كریە پتر خزمەت بۆ خەلكێ بەردەڕەش بهینە پێشكێشكرن و بەرەوام ساخلەمیا دهۆكێ پشتەڤانیا كەرتێ ساخلەمیێ ل بەردەڕەش دكەت و نوكە ژی پشكا هەوارهاتنێ ل گەل دابینكرنا هەموو خزمەتێن هەوارهاتنێ كەتە د خزمەتا وەلاتیان دا».
