پلانا رۆژێن جەژنا قوربانی ل دهۆكێ هاتە دانان
ب سەرپەرشتیا ماجد سەید سالح، پارێزگارێ دهۆكێ ب وەكالەت و ب بەرهەڤبوونا لایەنێن پەیوەندیدار یێن ئێمناهیێ، ساخلەمیێ، هاتنوچوونێ، گەشتوگوزارێ، بەرگریا شارستانی و باژێرڤانیێ دوهی 25/6/2023 ل دۆر دانانا پلانا جەژنا قوربانی كۆمبوونەك هاتە ئەنجامدان.
لایەنێن پشكدار بەرهەڤیێن فەرمانگەهێن خوە دانە دیاركرن و پارێزگارێ دهۆكێ ب وەكالەت هەمی لایەن راسپاردن، كو د رۆژێن جەژنا قوربانی دا ب باشترین شێوە خزمەتا وەلاتیان بكەن، هەروەسا پێشوازی ل گەشتیاران بهێتە كرن ل جهێن ڤەحەواندنێ و گەشتوگوزاری و تیمێن ساخلەمیێ بۆ هەر ئەگەرەكێ نەچاڤەرێكری د ئامادەباشیێ دا بن، لایەنێن هاتنوچوونێ و ئێمناهیێ وەكو جاران رێكخستنەكا گونجای بۆ هاتنوچوونێ و ئێمناهیێ ب دارێژن و لایێن دی ژی د چارچوڤێ خزمەتگوزاریێن فەرمانگەهێن خوە دا، رۆلێ خوە ببینن و ل دوماهیێ ژی پیرۆزباهیێن جەژنێ ئاراستەی وەلاتیێن هەرێما كوردستانێ كرن و هیڤیا دەمێن خوەش بۆ خواستن.
