پلان هه‌یه كارگه‌هێن راگرتی ده‌ست بكاری بكه‌ن
هه‌ولێر، قائید میرۆ:
وه‌زاره‌تا بازرگانی و پیشه‌سازی پلان هه‌یه بۆ دوباره كاركرنا كارگه‌هێن راگرتی و شیره‌تكاره‌كێ وه‌زاره‌تێ ژی ئاشكرا كر، بانكه‌كا ئیراقی به‌رهه‌ڤیا خوه دیاركریه بۆ هاریكاریا كارگه‌هێن راگرتی.
فه‌تحی محه‌مه‌د، شیره‌تكارێ وه‌زاره‌تا بازرگانی و پیشه‌سازی بۆ رۆژناما ئه‌ڤرۆ دیار كر” وه‌زاره‌تا بازرگانی پلان هه‌یه بۆ وێ چه‌ندێ كارگه‌هێن ل هه‌رێما كوردستانێ ب ئه‌گه‌رێن جودا هاتینه گرتن دوباره ده‌ست بكاری بكه‌ن، چونكو ب سه‌دان كارگه‌هێن هه‌رێما كوردستانێ ل سه‌ر ده‌مێ شه‌ڕێ داعش و قه‌یرانا دارایی هاتینه راگرتن و نوكه كار ناكه‌ن، له‌وڕا حوكمه‌ت دێ هه‌موو بزاڤان بۆ وێ چه‌ندێ كه‌ت هه‌موو كارگه‌هێن هاتینه راگرتن دوباره كار بكه‌ن.
فه‌تحی محه‌مه‌د ئاماژه كر” بانكه‌كا ئیراقی به‌رهه‌ڤیا خوه دیاركریه و كوژمه‌كێ پاره‌ی بشێوه‌یێ قه‌ڕ بده‌ته كارگه‌هێن راگرتنی و چه‌ندین هاریكاریێن دی بۆ كارگه‌هێن راگرتی دێ هه‌بن، ئه‌ڤه ژی ب مه‌ره‌ما ڤه‌ژاندنا كه‌رتێ بارزگانی و پیشه‌سازی، چونكو چه‌ند كارگه‌هێن راگرتی دوباره كار بكه‌ن دێ ده‌لیڤا كاری په‌یدابیت و به‌رهه‌مێ ناڤخۆ زێده‌بیت.
