پلەیێن 373 ئەفسەران دێ هێنە بلندكرن
پشتی بڕیارەكا سەرۆكێ جڤاتا وەزیران، وەزیرێ پێشمەرگەی بڕیارەكا وەزاری بۆ بلندكرنا پلەیێن 373 ئەفسەران دەركر، رێڤەبەرێ گشتیێ راگەهاندن و هشیاریا وەزارەتا پێشمەرگەی ئاشكرا كر، ئەو خشتەیێ نەورۆزا سالا 2022 ێ یە و پلە بلندكرن ژی ژ پلەیا میلازمێ ئێكێ تێدایە هەتا پلەیا لیوا.
ل دووڤ بڕیارەكا وەزاری، كو دوهی 4/7/2023 شۆڕەش ئیسماعیل، وەزیرێ پێشمەرگەی ئیمزا كرییە 373 ئەفسەرێن وێ وەزارەتێ پلەیێن وان هاتینە بلندكرن.
ئەو بڕیارا وەزاری پالپشت ب بڕیارا هەرێمی یا هەژمارە 128 ل 11/4/2023 و ل بەر رۆناهیا نڤیسارا سەرۆكاتیا جڤاتا وەزیران یا هەژمارە 1197 ل 20/3/2023 و ب بڕیارا سەرۆكی جڤاتا وەزیرێن هەرێما كوردستانێ یا هەژمارە 2691 ل 3/7/2023 دەركریە.
