په‌رله‌مانتاركێ كورد: كوردێن توركیا دێ حوكمێ ئه‌تۆنومى وه‌رگرن
ئه‌ڤرۆ نیۆز:
نوونه‌رێ پارتا ملله‌تێن دیموكراتى(BDP ) كو پارته‌كا نێزیكى پارتا (PKK ) یا كوردستانى یه، سرى سوریا ئوندور گه‌نگه‌شه‌كا هه‌ره مه‌زن دناڤ رایا گشتى یا وه‌لاتێ توركیادا په‌قاند، ل دۆر ره‌شنڤیسا ئاشتى یا ژئالیێ سه‌ركردێ زیندانكریێ پارتا كرێكارێن كوردستانێ عه‌بدوللا ئۆجه‌لان ڤه هاتیه دارێتن، هه‌ڤده‌م ئاشكراكر كو بێ گۆمان كوردێن توركیا دێ حوكمێ ئه‌تۆنومى ل باكورێ كوردستانێ وه‌رگرن.
سرى سوریا ئۆندر هه‌روه‌سا گۆت: ئه‌م دێ بۆ رایا گشتى پشتى ره‌ۆژه‌كێ یان دو رۆژان ل سه‌ر دانوستاندنا ره‌شنڤیسا ئاشتیێ به‌لاڤ كه‌ین، كو ره‌شنڤیسا ئاشتیێ كێشا حوكمرانیا ئه‌تۆنومى ل باكورێ كوردستانێ دیاركریه.
ئه‌ندامێ په‌رله‌مانێ توركیا رونكر، هه‌ڤالێن وى یێن سه‌ره‌دانا سه‌ركرداتیا پارتا كرێكارێن كوردستانێ ل چیایێ قه‌ندیلێ كرین ڤه‌گه‌ریان وه‌لاتى، زێده‌بارى گۆت هه‌كه حوكمه‌ت ره‌شنڤیسا ئاشتى بجه بینیت كو دبیته به‌یانه‌كا فه‌رمى یا ئۆجه‌لان، هه‌موو هێزێن كوردى دێ پێگیریێ بوێ ره‌شنڤیسێ كه‌ن و بزاڤێن پشته‌ڤانیا وێ و بجهئینانا ب له‌ز بۆ دخوازن.
