په‌رله‌مانتاره‌كێ كورد: حوكمه‌تا عێراقێ پلانا پاقژكرنا ده‌ڤه‌رێن بن كۆنترۆلا داعش ده‌ستپێكر
ئه‌ڤرۆنیۆز، قائید میرۆ:
حوكمه‌تا عێراقێ ده‌ست ب هه‌وه‌كێ كر بۆ پاقژكرنا ده‌ڤه‌را بێجی ژ چه‌كدارێن داعش و ئه‌ندامه‌كێ لیژنا ئاسایش و به‌ڕه‌ڤانیێ ژی دبێژیت، پێدڤیه ده‌مه‌كێ زوو رێیا پارزینگه‌ها بێجی بێهته ڤه‌كرن.
شاخه‌وان عه‌بدولا، ئه‌ندامێ لیژنا ئاسایش و به‌ڕه‌ڤانیێ لپه‌رله‌مانێ عێراقێ ب ئه‌ڤرۆ نیۆز راگه‌هاند، حوكمه‌تا عێراقێ ده‌ست ب پاقژكرنا هژماره‌ك ده‌ڤه‌رێن عێراقێ ژ چه‌كدارێن داعش كریه و گۆتژی: سوپایێ عێراقێ و ده‌زگه‌هێن ئه‌منی پتری گرانیا خوه به‌ردایه سه‌ر ده‌ڤه‌رێن نێزیكی بێجی، چونكو ئه‌گه‌ر ئه‌ف ده‌ڤه‌ر بن كۆنتڕۆلا داعش بمینه ئه‌ڤه دێ قه‌یرانا پانزینێ چێبیت.
شاخه‌وانی ئه‌ویه‌كژی گۆت: ئه‌ف پلانه ده‌ستپێكه بۆ ژناڤبرنا چه‌كدارێن داعش ل عێراقێ و دێ ده‌زگه‌هێن ئه‌منی و سوپایێ عێراقێ به‌رده‌وامبن ژ هه‌وا پاقژكرنا داعش و ده‌ستپێكێ دێ رێیه‌كێ بۆ بێجی ڤه‌كه‌ن هه‌تا پانزین بهێت و پشتی هنگی دێ چنه ده‌ڤه‌رین دی.
