په‌رله‌مان به‌رهه‌ڤیێن دانانا ده‌ستووره‌كى بۆ هه‌رێمێ دكه‌ت
ئه‌ڤرۆ نیوز، ئه‌میر ئه‌ترووشى:
شوان ئه‌حمه‌د ئه‌ندامێ په‌رله‌مانێ كوردستانێ ژ فراكسیونا زه‌ر بۆ ئه‌ڤرۆ نیوز راگه‌هاند، ئه‌ڤرۆ رۆژا سێشه‌مبى په‌رله‌مانێ كوردستانێ ل سه‌ر پرسا ده‌ستوورێ هه‌رێما كوردستانێ گه‌نگه‌شه كر و گۆت: ئه‌وا ئه‌ڤرۆ هاتیه كرن پتر گفتۆگۆیه‌كا راوێژكارى بوو و چه‌خت ل سه‌ر دو خالان هاته كرن.
شوان ئه‌حمه‌د دیاركر كو ده‌سته‌یا سه‌رۆكاتیا په‌رله‌مانى ل گه‌ل فراكسیونێن په‌رله‌مانى كۆمبوونه‌ك گرێدا و تێدا ب تنێ به‌حسێ سازانا نشتیمانى هاته كرن و چو بریار نه‌هاتنه دان، ب تنێ را و بۆچوونێن فراكسیونان هاتنه وه‌رگرتن.
ژ ئالێ خوه ڤه شوان قه‌لادزى ئه‌ندامێ لیژنا قانوونى ل په‌رله‌مانێ كوردستانێ خویا كر، چاڤه‌رێ دهێته كرن به‌رى هه‌لبژاردنێن سه‌رۆكاتیا هه‌رێمێ ره‌شنڤیسێ ده‌ستوورێ كوردستانێ بهێته په‌سه‌ندكرن و گۆت: هه‌بوونا ده‌ستووره‌كى بۆ هه‌رێما كورد ژ سالا ستانێ بۆ مامه‌له‌كرنێ ل گه‌ل وه‌لاتێن ده‌رڤه گه‌له‌ك یا گرنگه و پێشبینى دهێته كرن ل مه‌ها 2015 هه‌رێما كوردستانێ ببیته خودانا ده‌ستوورێ خوه یێ تایبه‌ت.