پهرلهمان ل دۆر بلندكرنا پلهیێن فهرمانبهران دێ كۆم بیت
ههولێر، قائید میرۆ:
لیژنا دارایی ل پهرلهمانێ كوردستانێ راپۆرتهك ل دۆر چهندین بابهتێن گرێدایی فهرمانبهرێن گرێبهست و بلندكرنا پلهیێن فهرمانبهران بهرههڤكریه و بڕیاردهرێ لیژنا دارایی ژی ئاشكرا دكهت كو كۆمبوونهكا تایبهت یا پهرلهمانی ل دۆر بلندكرنا پلهیێن فهرمانبهران دێ هێته ئهنجامدان.
محهمهد ئیلخانی، بڕیاردهرێ لیژنا دارایی ل پهرلهمانێ كوردستانێ بۆ رۆژناما ئهڤرۆ دیار كر، لیژنا دارایی راپۆرتهك ل دۆر ئاریشهیێن گرێدایی بابهتێن دارایی یێن فهرمانبهرێن ههرێما كوردستانێ بهرههڤكریه و گۆت: “بڕیاره كۆمبوونهكا پهرلهمانی بهێته ئهنجامدان و لایهنێن پهیوهندیدار یێن گرێدایی ئهڤی بابهتی بهرههڤی كۆمبوونێ ببن، تێدا دانوستاندن ل دۆر پرسێن فهرمانبهرێن گرێبهست و مووچهیێن پاشهكهفت و بلندكرنا پلهیێن فهرمانبهران بهێته كرن و وهزیرێ دارایی دێ بهرسڤا پرسیارێن پهرلهمانتاران دهت”.
محهمهد ئیلخانی گۆتژی: “حوكمهتا ههرێما كوردستانێ پلان ههیه بۆ ئێكلاكرنا چارهنڤیسێ فهرمانبهرێن گرێبهست و بلندكرنا پلهیێن فهرمانبهران، بهلێ پێدڤیه پلانهكا دارایی ژی بۆ بلندكرنا پلهیێن فهرمانبهران ههبیت، چونكی دێ مووچێ وان زێدهبیت و ئهو پارێ نوكه بۆ مووچێ فهرمانبهران دهێته مهزاختن دڤێت بهێته زێدهكرن”.
