په‌یه‌ده چو رێككه‌فتن ل گه‌ل به‌ره‌یێ نوسره نه‌كرینه
ئه‌ڤرۆ نیۆز:
پارتا ئێكه‌تیا دیموكراتى( په‌یه‌ده‌ێ) ده‌نگۆباسێ ژماره‌كا ده‌زگه‌هێن راگه‌هاندنێ یێن توركى و كوردى ژى ره‌تكرن، سه‌باه‌رت وێ گۆتگۆتكا هاتیه به‌لاڤكرن كو نها پارتا ناڤبرى مژوولى رێككه‌فتنه‌كێ یه ل گه‌ل به‌ره‌یێ نوسره یێ توندڕه‌و دژى چه‌كدارێن داعشێ.
ئه‌ندامێ پارتا ئێكه‌تیا دیموكراتى (په‌یه‌ده) ل هه‌رێما كوردستانێ دیار قامشلۆ دیاركر، چو راستى بۆ وان ده‌نگۆباسان نینه، ئه‌و ده‌نگۆباس بۆ كێمكرنا ناڤ و ده‌نگه‌َ په‌یه‌دێ هاتیه ده‌رخستن.
دیار قامشلۆ هه‌روه‌سا گۆت: ب چو پیڤه‌ره‌كى په‌یه‌ده دێ رێككه‌فتنێ ل گه‌ل گرۆپه‌كێ تیرۆرستى كه‌ت، د ده‌مكى دا كو نێزیكى سێ هه‌یڤه شه‌رێ به‌رده‌وام و خویناوى ل گه‌ل گرۆپێن تیرۆرستان سوریێ دهێته كرن.
قامشلۆى هه‌روه‌سا به‌حسێ وێ چه‌ندێ ب ئاشكرایى كر، ناڤه‌ندێن پارته‌كێ ل وه‌لاتێ ئه‌ۆروپا ل سه‌ر زارێ سالح موسلم هه‌ڤسه‌رۆكێ په‌یه‌دێ ئاشكراكریه، چه‌ندێن ئالیێن سیاسى و رۆژنامه‌ڤانى بزاڤێن به‌رده‌وام بۆ كێمكرنا په‌یه‌دێ دكه‌ن.