په‌یڤداری حوكمه‌تا هه‌رێمێ: وه‌رگرتنا شیرینیێن پترۆلێ ره‌ت دكه‌ت
ئه‌ڤرۆ نیوز:
په‌یڤدارێ حكومه‌تا هه‌رێما كوردستانێ راگه‌هاند ئه‌وان ده‌نگ و باسێن وه‌رگرتنا 250 ملیۆن دۆلار وه‌ك شیرینی یێن پترۆلێ ژ كۆمپانیا روسنه‌فت و ده‌ست ب سه‌رداگرتنا ملیاره‌كا دۆلارێن هه‌رێمێ ل لبنانێ ره‌ت دكه‌ین و دوورن ژ راستیێ.
د. جویتار عادل په‌یڤدارێ حكومه‌تا هه‌رێما كوردستانێ ئه‌و چه‌نده ژی راگه‌هاند سه‌رۆكێ حكومه‌تا هه‌رێما كوردستانێ مه‌سرور بارزانی ته‌ئكید دكه‌ت كۆ پێدڤیه سه‌رۆكاتیا داواكارێ گشتی ڤه‌كۆلینێ و دووڤچوونێ بۆ ئه‌ڤان نووچه‌یان بكه‌ت و داخازێ ژ هه‌می لایه‌كی ژی دكه‌ین دڤی بیاڤی دا هه‌ڤكاریا داواكارێ گشتی بكه‌ن ژبوی راستی بۆ وه‌لاتیان بهێنه ئاشكراكرن.
په‌یڤداری حكومه‌تا هه‌رێما كوردستانێ ئه‌و چه‌نده ژی دازانین كۆ هه‌ر ل ده‌ستپیكا ده‌ست بكاربوونا كابینا نوو یا حكومه‌تا هه‌رێما كوردستانێ، به‌رهنگاربوونا گه‌نده‌لیێ و بده‌ستڤه ئینانا شه‌فافیه‌تێ ل سازیێن حكومه‌تێ دابوویه، ب تایبه‌تی ل كه‌رتێ دارایی و داهاتێن هه‌رێمێ و ئه‌ركێ وێ یێ ئیكێ یه و دێ به‌رده‌وام بیت ژی ل سه‌ر ئه‌ڤێ چه‌ندێ.
