په‌یڤدارێ فه‌رمیێ داعش ل ده‌ڤه‌را قائیم هاته كوشتن
ئه‌ڤرۆنیۆز:
وه‌زاره‌تا ناڤخوه‌یا عیراقێ كوشتنا په‌یڤدارێ فه‌رمیێ چه‌كدارێن تیرۆرستێن داعشێ راگه‌هاند، كو د هێرشكا له‌شكرێ عیراقێ دا بۆ سه‌ر بنگه‌ه و حه‌شارێن داعشیان ل ده‌ڤه‌را قائیم یا سه‌ر ب پارێزگه‌ها ئه‌نبارێ ڤه 45 چه‌كدارێن تیرۆرستان هاتینه كوشتن.
ل گۆڕ داخویانیا وه‌زاره‌تا ناڤخوه‌یا عیراقێ، فرۆكێن شه‌رى ب پشته‌ڤانیا پێزانینێن هه‌والگیرى چه‌ندین بنگه‌ه و جهێن ڤه‌حه‌ویانا گرۆپێن تیرۆرستان ل ده‌ڤه‌را (مه‌شته‌ل ) یا سه‌ر ب قه‌زا قائیمێ ڤه ل پارێزگه‌ها ئه‌نبار توپباران بكه‌ن و زیانه‌كا مه‌زن ب چه‌كدارێن داعشێ ب گه‌هینن.
هه‌روه‌سا وه‌زاره‌تا ناڤخوه‌یا عیراقێ ئاماژه‌دا هندێ، د ئه‌نجامێ وێ توپبارانكرنێ دا، زێده‌تر ژ 45 چه‌كدارێن داعشێ هاتینه كوشتن و دناڤ وان كوشتیان دا، په‌یڤدارێ فه‌رمیێ داعشێ یه ب ناڤێ (محه‌مه‌د ئه‌لعه‌نانى) هاتیه كوشتن.