پڕۆژەیێ چێكرنا رێكێن ناڤخۆیی ل كۆمەلگەها هێتووتێ د قووناغێن دووماهیێ دایە
ئامێدیێ، مەحمود نهێلی:
پڕۆژەیێ چێكرن و قێركرنا جادەیێن ناڤخۆیی ل كۆمەلگەها هێتووتێ ل سنۆرێ ناوچەدارییا دێرەلۆكێ گەهشتیە قووناغێن دووماهیێ و د دەمەكێ نێزیك دا پڕۆژە دێ هێتە تەمامكرن و كەڤیتە د خزمەتا خەلكێ دەڤەرێ دا.
رێبەر سادق، رێڤەبەرێ ناوچەدارییا دێرەلۆكێ بۆ رۆژناما ئەڤرۆ دیار كر، ئەڤە ئێك ژ وان پڕۆژەیانە یێن ل سنۆرێ ناوچەدارییا دێرەلۆكێ ل ژێر بجهئینانێ و نوكە گەهشتیە قووناغێن كۆنكریتكرنێ و دانا شوستەیان و تێكەلەكرنێ و دەمەكێ نێزیك دێ دەست ب چێكرنەڤەیا وان هێتە كرن و دێ هێنە قێركرن و كەڤنە د خزمەتا خەلكێ وێ دەڤەرێ دا.
ناڤهاتی گۆت: «ژ بۆ ئەنجادانا ڤی پڕۆژەی پتر ژ 300 ملیۆن دینار بۆ هاتینە تەرخانكرن و ژ بەر نەبوونا پارەی ئەڤە چەندەك بوو كار تێدا راوەستیای، لێ د دەمەكێ نێزیك دا كار تێدا دێ هێتە كرن و ب داوی هێن و كەڤنە د خزمەتا خەلكێ دەڤەرێ دا».
