پڕۆژەیەكێ گەشتوگوزارا ئایینی ل زاخۆ دهێتە بجهئینان
زاخۆ، دلۆڤان هالۆ:
ئەدیب جەعفەر، ڕێڤەبەرێ ناوچەداریا ڕزگاری ل ئیدارەیا سەربخوە یا زاخۆ بۆ ڕۆژناما ئەڤرۆ دیار كر كو ل سەر ڕووبەرێ پێنج دۆنەمێن ئەردی و ب گوژمێ 564 ملیۆن دیناران، پڕۆژەیەكێ گەشتوگوزارا ئایینی ل سەر كانیا دێرەبینێ یا سەر ب ناوچەداریا ڕزگاری ڤە ل نێزیك مەزارێ عەبدێ ڕەش ل ئیدارەیا سەربخوە یا زاخۆ دهێتە بجهئینان.
ناڤهاتی گۆت: «ب ڕێژەیا نێزیكی 70% كار د ڤی پڕۆژەی دا هاتیە كرن، ئەڤ پڕۆژە ژ لایێ كۆمپانیەكا ناڤخوەیی ڤە دهێتە دروستكرن».
گۆت ژی: «مەرەم ژ بجهئینانا ڤی پڕۆژەیێ گەشتوگوزارا ئایینی بۆ جوانیا كۆمەلگەها دێرەبینێ و ڕاكێشانا گەشتیارێن ناڤخوە و بیانی یە بۆ ڤێ دەڤەرێ، دیسا داكو خەلكێ دەڤەرێ ژی مفای ژ ڤی پڕۆژەیی وەرگریت، هەم وەكو مەزارەكێ پیرۆز ل دەف خەلكێ و هەم ژی وەكو جهەكێ گەشتوگوزاری».
