پۆلش ژیێ ترۆمبێلێ درێژتر لێ دكه‌ت
دهۆك، شاهۆ فه‌رید:
ئاڤان نوری، گه‌نجه‌كێ خه‌لكێ دهۆكێ یه، بۆ ماوێ نه‌ه سالانه كارێ پۆلشكرن و نه‌خشاندنا وێنا ل سه‌ر ترۆمبێلان دكه‌ت، د دیداره‌كێ دا بۆ رۆژناما ئه‌ڤرۆ دبێژیت: پشتی به‌لاڤبوونا ڤی كاری كارتێكرن هه‌بوویه ل سه‌رمه، ئه‌گه‌رێ زێده یێ رێپێدانا ڤی كاری، نوكه‌دا ژبه‌ر زێده بوونا كه‌رسته و كه‌لوپه‌لان ب كوالێتیێن جودا باش و خراب كارتێكرن كریه سه‌ر كارێ مه.
زێده‌تر گۆت: پۆلشكرنا ترۆمبێلێ جار بۆ جاری دڤێت سڤكتر بیت، چه‌ندین جۆرێن پۆلشی د ناڤ بازاری هه‌نه، به‌لی پتریا وان دخرابن ژ لایێ كوالێتێ ڤه، ،شۆشتا ترۆمبێلان ژی نه‌یا دروسته ب ده‌رمانێ ئامانا بشۆی، به‌لكو دڤێت یێ تایبه‌ت بیت دا ره‌نگێ خوه ژ ده‌ست نه‌ده‌ت، پۆلش ترۆمبێلێ ژوێ چه‌ندێ پارێزیت و ژیێ وی درێژتر لێ دكه‌ت، چونكو كه‌رسته‌كێ دوهنی د ناڤدا هه‌یه وه‌كو پاراستنه‌كێ یه بۆ ره‌نگ و سیمایی وێ جوان دكه‌ت، وه‌كو به‌رێ خه‌لك گرنگیێ ناده‌ته جوانكرنا ترۆمبێلان و پتر حه‌زژ ساده‌یێ دكه‌ن.
