پێدڤیە حكومەت پتر دەرگەهێن فرۆتنێ ڤەكەت
سندس سالح سلێڤانەیی
محەمەد جەمیل محەمەد، جۆتیارەكێ گەنجە ب دو جۆرێن هناران پشكداری د فێستیڤالا هنار و هنگڤینی دا كربوو ل زاخۆ، ئەو دبێژیت: هەبوونا ڤان جۆرە فێستیڤالان بوو جۆتیاران گەلەكا گرنگە، چنكو ل ڤێرە خەلكەكێ زۆر دهێن بەرهەمێن خۆمالی دكڕن و ئەڤە ژی دبیتە پشتەڤانیەكە كو سالێن بهێن جۆتیارێن مە پتر گرنگیێ ب چاندنا بەرهەمێن نافخۆیی بدەن و ئەز ب باوەرم هەكە ب دروستی پشتەڤانی ل بەرهەمێن ناڤخۆی و جۆتیاران بهێتە كرن پێدڤی ناكەت چ جۆرێن فێقی بوومە ژ دەرڤە بهێن.
هەروەسا گۆت: نە بەس بۆ هناران، بەلكو بۆ هەموو جۆرێن بەرهەمێن خۆمالی پێدڤیە حكومەت پلانەكێ دانیت كو ئەڤ بەرهەمە بۆ دەرڤەی هەرێمێ ژی بهێنە ڕەوانەكرن داكو ل وێرێ ژی بهێنە فرۆتن و زیان نەگەهیتە جۆتیاران، چنكو سالانە بەرهەمەكێ زۆر، بۆ نموونە سێڤێن بەرواریان ب رێژەیەكا زۆر دمینە د دەستان دا و بكڕ نینن، لەورا پێدڤیە ژنوكە وێڤە بزاڤێ بكەن پتر بكڕان بۆ بەرهەمێن خۆمالی پەیدا بكەن و دێ گەلەك باشتر بیت هەكە هندەك كارگەهێن شەربەتان ل كوردستانێ دانن و بڤی ڕەنگی جۆتیار دێ شێن بەرهەمێ خۆ دەنە وان كارگەهان.