پێدڤیە هەموو ڕێنوماییێن پاراستنا ژینگەهێ بهێنە بجهئینان
زاخۆ، دلۆڤان هالۆ:
گوهدار شێخۆ، سەرپەرشتێ ئیدارەیا سەربخوە یا زاخۆ دوهی 26/4/2026 ل گەل لایەنێن پەیوەندیدار سەبارەت ڕێكار و ڕێنوماییێن پاراستنا ژینگەهێ كۆمبوو.
گوهدار شێخۆ د كۆمبوونێ دا تەكەزی ل سەر بابەتێ پاقژڕاگرتنا ژینگەهێ د چارچوڤێ بەرنامە و ڕێكارێن پاراستنا ژینگەهێ دا ب راسپاردەیا مەسرور بارزانی، سەرۆكێ حكومەتا هەرێما كوردستانێ و وەزارەتا ناڤخوە كر، كو پێدڤیە هەموو ئەو رێنوما و یاسایێن پاراستنا ژینگەهێ بهێنە بجهئینان ل هەموو كوردستانێ ب مەرەما پاقژڕاگرتن و جوانیا وێ.
ناڤهاتی گۆت: «ژ بۆ بەرژەوەندیا گشتی د خوازین ب هەموو رێكێن ئاراستەكری خەلكێ خوە هان بدەین بۆ پاقژڕاگرتنا ژینگەهێ ل هەموو جهان».
