پێشمه‌رگه و سۆپایێ كوردستانی
مله‌تێن جیهانێ ب گشتی ب هن خال و سمبولێن هه‌ڤپشك وه‌ك نه‌ته‌وه دئێن ناسكرن ژ وان خالان ژی ئه‌ڤه‌نه:
ـ زمانێ سته‌نده‌ر بۆ خوه‌ندن و نڤیسێ و ژ بۆ هه‌می داموده‌زگه‌هێن حكومی، ته‌ڤی قوتابخانه، په‌یمانگه‌ه و زانكۆ
ـ ئێك ئالا بۆ مله‌ت ل سه‌رانسه‌ری جوگرافیا وی وه‌لاتی و ل ناڤ مله‌تێن جیهانێ ژی گه‌ره‌ك ه‌ئو نه‌ته‌وه خوه ب ڤێ ئالا هان بده‌ناسین.
ـ هن بوونه یێن دیرۆكی كو دبن سمبولێن هه‌ڤپشك د ناڤ وی مله‌تی دا، مینا رۆژا سه‌رخوه‌بوونێ دا، رۆژا شه‌هیدان و رۆژا دایكێ.. هتد.
ـ هه‌بوونا چه‌ند ده‌زگه‌هه‌كێن گشتی كو خزمه‌تێ دكن دبن ئالا وه‌لاتی د و دكه‌ڤن به‌رژه‌وندیا مله‌تی ب ته‌ڤاهی و خزمه‌تێ ژ وه‌لاتیان را دكن بێ كو باندۆرا نه‌ژاد، ئۆل، ئاره‌ئاسته‌یا وان یا سیاسی و زمنێ وان ل ڤان ده‌زگه‌هان بكه، مینا ده‌زگه‌هێن ئه‌وله‌كاریێ و ده‌زگه‌هێن پۆلیس و له‌شكری.. هتد.
هه‌لبه‌ت پێدڤیه كو ئه‌م بزانن ئه‌ڤ ده‌زگه‌ه، گه‌له‌ك جاران نه ب ئاخافتن و ئالاڤان دئێن مه‌یدانێ، به‌لكی جارنان ب گولێ خوینێژی تێن مه‌یدانێ و دبن ئه‌نجامێ كریزا كۆمه‌لاتی و گوهارتنێن جڤاكی، ب ره‌نگێ كو ئه‌ڤ كریز و گوهارتنێن جڤاكی هشمه‌ندیه‌كه گشتی ده‌ربارێ ڤان ده‌زگه‌ه و سمبولان دا چێدكه و دبن تشتێن پیرۆز ل جه‌م مله‌ت.
ره‌وشا كوردستان و كوردان ره‌وشه‌كی تایبه‌ته و كێم پرس مینا پرسا كوردان كۆمپلێكس هه‌یه، له‌وما ئه‌م دبینن كورد خوه‌دان گه‌له‌ك كێشه و پرسگرێكن، نه ته‌نێ ب داگیركه‌رێن وه‌لاتێ وان را، لێ گه‌له‌ك كێشه و پرگرێكێن ناڤخوه‌ییژی هه‌نه و هینژی به‌رده‌وامن.
سمبول و خالێن ئێكرتی د ناڤ كورداندا گه‌له‌ك كێمن و هه‌ر كو ئه‌و خالێن كو ناكۆكیان د ناڤبه‌را كوردانده كێمببن ئه‌م ب به‌ر چاره‌سه‌ریا پرسگرێكا خوه ڤه دچن.
ئێك ژ گرنگترین خالێن كو كێشه ل سه‌ر په‌یدادبن له‌شكر و هێزا له‌شكریه، چنكو ئه‌ڤ هێز رۆله‌كێ سه‌ره‌كی دله‌یزه نه‌خاسمه د ده‌مێن تێكۆشین و ڤه‌گوهه‌ستنێ دا و گه‌له‌ك ناكۆكی ل سه‌ر ڤێ خالێ په‌یدادبن و جارنان دبن سه‌ده‌ما شه‌ڕێن براكوژی ژی.
ل سه‌رانسه‌ری خه‌باتا كوردان بۆ ره‌زگاری، سه‌رخوه‌بوون و ئازادیێ ناڤێ شه‌رڤانێن كورد ب پێشمه‌رگه دئێن ناسین، هه‌تا راده‌كێ كو كورد ل گه‌له‌ك ده‌ڤه‌ر و وه‌لاتان وه‌ك پێشمه‌رگه دئێن ناسین، هه‌ر وه‌سا هێزێن پێشمه‌رگه مێژوویه‌كی دوور و درێژ ب تێكۆشینه‌كێ پیرۆز و مرۆڤانه هه‌یه و نها د شه‌ڕێ دژی هۆڤێن داعش دا پێشمه‌رگه بوویه ناڤه‌كی پیرۆز ل سه‌رانسه‌ری جیهانێ و تێ ناسین وه‌ك هێزا خوه‌راگر یا ل دژی تێرورێ.
ئیرۆ ل سه‌رانسه‌ری كوردستانێ هێزه‌كه دنژی هه‌یه ئه‌و ژی ل دژی تێرۆر و ژ بۆ بده‌ستخستنا ده‌سه‌لاتێ ل هن هه‌رێمێن كوردی بده‌ستبخه، ئه‌و هێز گه‌له‌ك شه‌هید و قوربانی كرنه گوڕی خاكا كوردستانێ، لێ مخابن ئه‌ڤ هێز دبن گه‌له‌ك ناڤانده شه‌ردكه، ب ره‌نگێ كو مرۆڤ نكاره ڤان هه‌م ناڤان بینه بیراخوه و هه‌رده‌مێ هه‌ستێ وه‌لاتیێن كورد ژ به‌ر ڤان ناڤێن پر كو هێزێن كوردی ل خوه دكن تێ برینكرن، و ئێك جارنان ژ به‌ر كه‌شه‌یێن سیاسی د ناڤبه‌را پارتیێن كوردیدا وه‌لاتی نه‌چار دبن كو په‌سنێ ڤی ئالی بكه‌ن ئان وی ئالی.
له‌وما ئه‌ز دبێژم ئایا چما هه‌م حه‌زا كوردی یا چه‌كدار ناڤێ پێشمه‌رگه ل خوه ناكن، وێ باشتربه، ته‌ڤی كو د ده‌ما وه‌ك ئانا دا وێ بێ گۆتن پێشمه‌رگێ فلان لاین و فلان پارتی لێ ب كێمنای ئه‌مێ ژ پرسگرێكا ناڤ رێزگارببن و ناڤێ پێشمه‌رگه وێ ببه سمبولا ئازادیخوازێن كوردستانێ و به‌لكی هه‌لوه‌ستا كوردان به‌رامبه‌ر چوونا پێشمه‌رگه بۆ كۆبانێ ئه‌ڤ تشت باش دیاركر.
