پێشمه‌رگێن ئێزدى 12 كچێن ئێزدیان ژ ده‌ستێ داعشێ قورتالكرن
ئه‌ڤرۆ نیۆز، عه‌دنان رێكانى:
ژێده‌ره‌كێ ئێمناهیا پارێزگه‌ها دهوكێ كو نه‌ڤیا ناڤێ خوه ئاشكرا بكه‌ت بۆ ئه‌ڤرۆ نیۆز راگه‌هاند، پێشمه‌رگێن ئێزدى شیان 12 كه‌چێن ره‌ڤانى ژ ده‌ستێن تیرۆرستێن داعشێ قورتال بكه‌ن، هه‌ڤده‌م ئاماژه‌دا بزاڤ دهێن كرن بۆ ڤه‌گوهاستنا وان بۆ فرۆكخانا له‌شكرێ ل قه‌زا زاخو.
چه‌كداره‌كێ ئێزدى هه‌روه‌سا گۆت: پێشمه‌رگێن ئێزدى بكارێ قورتالكرنا هه‌ر 12 كچێن ئێزدى رابوون ، به‌لێ ژبه‌ر پاراستنا سه‌لامه‌تیا كچێن ئێزدى یێن مایى نه‌ڤیا ناڤێ وێ ده‌ڤه‌رێ ئاشكرا بكه‌ت یا ئه‌و پرۆسا قورتالكرنێ لێ هاتیه ئه‌نجامدن، وى چه‌كدارى خوه‌یاكر ئه‌و كچێن ئازدكرى نوكه ل جهه‌كێ پارستى ینه و لبه‌ره بۆ فرۆكخانا زاخو بهێنه ڤه‌گوهاستن.
