پەرتووكا (گەریانەك دناڤ بیردانكێ دا) یا پێشمەرگێ شورەشا ئیلونێ عەبدوالرزاق گەرماڤی هاتە چاپكرن
دیدار، ئەڤرۆ:
ب هەلكەفتا بورینا (62) سالان ل سەر هەلبوونا شورەشا ئیلونا مەزن، دوهی ئێڤاری رۆژا دوشەمبی رێكەتی 11/9/2023 ل هولا كونفرانسان و ب ئامادەبوونا بەرێزان ( فازل میرانی) بەرپرسێ دەستەیا كارگێری یا مەكتەبا سیاسی یا پارتی دیموكراتی كوردستان و (فەریق عەلی) ئەندامێ مەكتەبا سیاسی یا پارتی و د(عەلی تەتەر) پارێزگارێ دهۆكێ و چەندین پێشمەرگێن شورەشا ئیلونێ و رەوشەنبیر ونڤیسەران، رێورەسمێن واژوكرنا پەرتوكا بناڤێ (مرحلە مع الذاكرە) ( گەریانەك دناڤ بیردانكێ دا) یا نڤیسەر و پێشمەرگێ شورەشا ئیلونێ (عەبدوالرزاق گەرماڤی) هاتنە گێران..
ل بەراهیێ نڤیسەرێ پەرتووكێ بخێرهاتنا بەرهەڤبوویان كر و پاشا ئارمانجێن نڤێسینا پەرتووكێ بەرچافكرن و دووڤ دا د. عەلی تەتەر پارێزگەرێ دهۆكێ دپەیڤەكێ دا پیرۆزباهی ل نڤیسەرێ پەرتووكێ كر و تەكەزی ل سەر كومكرن و نڤێسینا بیرهاتن و سەربورێن شورەش و بەرخودانا مللەتێ كورد كر و هەروەسا ئاماژە دا بەرنامێ پارێزگەهێ یێ چاپكرنا پەرتووكێن نەتەوەیی و نشتیمانی و گۆت: ل دەمێ بوری مە پشتەڤانی ل چاپكرنا (12) پەرتووكان كریە و بەرهەڤی یا پارێزگەهێ نیشادان بۆ چاپكرنا ئەڤان جورە پەرتووكان بۆ وێ چەندێ نڤشێ نوو ل سەر هەموو روودان و دەردەسەری و نەهامەتیێن گەلێ كورد یێ ئاگەهدار بیت، دووڤ دا فلمەكێ دوكومێنتاری هاتە نیشادان، ل دووڤ دا دیبەیتەك هاتە ئامادەكرن و بەرێزان (فازل میرانی و عەبدوالرزاق گەرماڤی) بەحسێ ناڤەرۆكا پەرتووكێ كر كو گرێدایی بووینە ب شورەشا مەزن یا ئیلونێ و ل دووماهیێ پیشانگەهەك هاتەڤەكرن و پەرتووكا ناڤبری هاتە واژووكرن و بەلاڤەكرن.
پێشمەرگێ شورەشا ئیلونا مەزن و نڤیسەرێ پەرتووكا ناڤبری عەبدوالرزاق گەرماڤی، دناڤا دیبەیتێ دا بەحسێ هزرا چێكرنا ڤێ پەرتووكێ كر و گۆت: پشتی سەرهلدانا پیرۆزا سالا 1991ێ هاتا نوكە گەلەك پەرتووك ل سەر شورەشا ئیلونا مەزن هاتبوونە چێكرن و رەنگە گەلەك هەڤالان بەحس كربیت لێ ب دروستكرنا ڤێ پەرتووكێ مە بەحسێ خەبات و ژین و ژیارا وی سەر دەمی زێدەتر كریە و ئەوێ هەتا نوكە نەهاتیە گۆتن و مە ڤیا ل سەر ئەوان روودان دناڤا ڤێ پەرتووكێ دا زێدە بكەین و رەنگە گەلەك روودان ب شاشی هاتبنە نڤێسین مەدڤیا راستڤەكەین و مە بڤی كاری ڤیا پەرتوكخانا كوردی دەولەمەند بكەین و مفا بۆ ڤەكولینێن زانكۆیێ ل سەر شورەشا ئیلونێ بهێتەوەرگرتن.
فازل میرانی بەرپرسێ دەستەیا كارگێری یا مەكتەبا سیاسی یا پارتی دیموكراتی كوردستان، دچارچووڤێ ڤێ دیبەیتێ دا گۆت: من پشتەڤانیا عەبدولرزاق گەرماڤی كریە و هاندایە كو پەرتووكێ دروست بكەت و پێشەكیا ڤێ پەرتووكێ من نڤێسی یە و بەحسێ قوناغێن خەباتێ ل شورەشا ناڤبری كریە، نڤێسینا سەربورا تشتەك و نڤێسینا مێژوویێ تشتەك، نڤێسینا سەربورا پەیوەندی ب مرۆڤی ڤە هەیە و نڤێسینا مێژوویێ پەیوەندی ب خەلكی ڤە هەیە و دچارچووڤێ مێژوو سەربورێ دا مرۆڤی پەیوەندی پێ هەیە و گەلەك بزاڤ و چالاكیێن لەشكەری و شەهیدبوونا پێشمەرگەی و رۆلێ هزرا دهۆك یا سەردەمێ شورەشا ئیلونا مەزن كاك عەبدوالرزاق گەرماڤی بەحس كریە و مێژوویا گەلەك مرۆڤان دناڤا سەربورێن خوە دا گوتینە و ئەڤە هەمی گرێدایی چالاكیێن وی سەردەمی نە و ئەوێن تێكەلیێ دكەت دچارچووڤێ وێ سەربورێ دایە و گەلەك ناڤێن قارەمانان هاتینە گۆتن و ئەو قارەمان هەمی هژمار بووینە ل پێشمەرگاتیێ دا، ئەڤە هەمی دچارەنڤێسەكی دا بووینە.
فازل میرانی ئەو ژی گۆت: ئێكەم جارا من و عەبدوالرزاق ئێك دو نیاسی ل گوندێ گەلناسكێ بوو ئەز هاتبوومە خولەكێ و من خواست بچمە دەف هاریكارێ ئامر هێزێ دهۆك چووم (عەبدوالرزاق گەرماڤی) یێ بن كەپرەكێ و سترانەكا (ئوم كەلسومێ) ل سەر بوو وی ژی ل ستران گەل گۆت ، سەبور تشتەك باشە ئەڤە هەمی نە هونەرێ كەسەكی یە بەلكو هونەرێ ژین و ژانێ مللەتەكی یە، ئەوێن ئەز پێشكداری هندەك دێ بەحس كەم و ئەڤە دێ بیتە پەرتووكەك بۆ داهاتی دا بزانن كا خەلكێ مە چەند ماندیبوون دیتی یە و بەحسێ شەرێ (كێلیا شەدا و چرانێ و شاوریكێ) دكەین و دێ چیرۆكێن گەلەك پێشمەرگا و قەهرمان هێنە بیرا مە و دهێنە بەحسكرن و ئەڤە گرێدایی ب كارو ڤیانا مرۆڤی ڤە هەیە و گرنگە گرنگری ب ئەڤان سەربوورا بهێتەدان.
فازل میرانی گۆتژی: ل شورەشا ئیلونا مەزن و لدیف زانیاریێن من (مەلا مستەفایێ) رەحمەتی (محەمەد صادقێ برویێ گولی) راسپارد ببیتە ئامر هێزا دهۆك وی نەكر و گۆتێ من پێ چێ نابیت و نەشێم دەست هەلاتێ ل دوسكیا و مزیری و سندی یا بكەم هەموو عەشیرن وەك ئێك، جەنابێ بارزانی شەهید (عیسێ سوار) راسپارد بۆ سەرپەرشتیا زاخۆ و ناڤبری ب غەدر هاتە شەهیدكرن و بوو ئامر هێزێ دەڤەرا زاخۆ دو جاران جهێ داخێ یە جارەكێ جهێ باوەریێ بوو و جارا دووێ غەدرە لێ هاتەكرن.
میرانی گۆتژی: عەلیێ خەلیل سەركردەكێ لەشكەری و سیاسی بوو فەرماندێ هێزا دهۆك بوو و عەبدوالرزاق گەرماڤی هاریكارێ وی بوو و عەلی خەلیل باشتر ژ مەهەمی یا ئیدارا ڤێ دەڤەرێ دكر و دزانی ل گەل خەلكی باخڤیت و ئەڤە هەمی روودان گەلەك بیرامن و رەنگە گەلەك ناهێنە بیرامن و ئەڤە ل سەر هزرا مرۆڤی دمینت.
عەبدوالرزاق گەرماڤی گۆت: هندی من شیاین هەبووینە من خزمەتا خەلكێ خوە كریە و بێ جوداهی و هەمان دەم هندی من پێ چێبووی من زیانا خەلكی نەكریە.
فازل میران، ل سەر گۆتنێن عەبدوارزاقی هاتەدەنگ و گۆت: دەمێ عەبدوالرزاق وەك قوتابیێ ل قوناغا ناڤنجیێ و دەمێ بوویە مامۆستا ل گوندێ (سیارو سپیندارێ) و دیسا هاتنا وی بۆ لژنا محلی ل گەل (مەلا عەلیێ بەروشكی، عەبدوللا جونید ) دچارچووڤێ كارێ وی و پەیوەندی ب رێكخستنێن خەلكی ڤە و هەمی خەلكێ كوردستانێ كورد پەروەر بوون بەلێ ئەوێن دبوونە حزبی هزر دكر قوناغەكا باش دژیان خوە دا دبوورین و دەمێ عەبدوالرزاق بوویە هاریكارێ ئامر هێزا دهۆك پەیوەندیێن باش ل گەل ئامر هزێن زاخۆ و شێخان و گشت خەلكی هەبوون، عەبدوالرزاق وەك رێكخەرەكی بوو و دیسا پەیوەندیێن دناف باژێری ژی هەبوو و رێزگرتن ل كەساتیێن دەڤەرا خوە دگرتن و هوسا نیشا خەلكی دا ئەو بەرپرسێن وی نە و ئەڤە بۆ ئەگەر پەیوەندیێن وی خوش ببن و هەتا ل گەل قائیمقام و پارێزگەری و هەتا جڤاكێ رەوشەنبیری ژی و دناڤ عەشیرا و گوندیان وەك وان بوو و ل گەل مامۆستا و نوژداران و ئەندازیار وەك وان بوو و دیسا هەمی هەلكەفتێن خەلكی حزورا وی هەبوو وەك نوكە نەبوو، بۆ هەر بەرپرسەكی گرنگە خوە ل گەل جڤاكی بگونجینت و دڤێت ئەم خوە ب گوهورین چونكە سەردەم دهێتە گوهورین و زارۆكێن مە دێ مە گوهورن و دڤێت دبەرهەڤ بین و ئەڤ تایبەتمەندی یە هەبوون.
