پەردە ل سەر مۆنۆمێنتا شەهیدێن گوندێ دهیكێ هاتە لادان
ئامێدیێ، مەحمود نهێلی:
د رێورەسمەكێ ژ هەژی دا ل گوندێ دهیكێ ل سنۆرێ ناوچەداریا سەرسنكێ، ب بەرهەڤبوونا سەباح بەیتوللا، نوونەرێ مەكتەبا رێكخستنێو بـەهرام عریف یـاسین، بەرپرسێ لقێ 18 یێ پارتی ل ئامێدیێ و ژیان خان، ڕێڤەبەرا شەهید و ئەنفالكریان ل دهۆكێ و وارشین سەلمان، دەڤەردارێ ئامێدیێ و هەژمارەكا كەسوكارێن شەهیدان و بەرپرسێن حزبی و حكومی، مۆنۆمێنتەك بۆ شەهیدێن گوندی هاتە ڤەكرن و گۆڕێن چار شەهیدێن وێ دەڤەرێ ژی هاتنە نووژەنكرن.
بەرپرسێ لقێ 18 یێ پارتی د پەیڤەكێ دا گۆت: «خوون و قوربانیدانا شەهیدان ب هەروە نەچوویە، ئەڤ ئازادیا ئەڤرۆ ئەم تێدا بەرهەمێ وێ خوونێ یە».
كەسوكارێن شەهیدان گۆتن: «ئەم ب شەهیدێن خوە سەر بلندین و سۆزێن خوە نوو دكەینە ڤە، كو ل سەر رێبازا وان بەردەوام بین ژ بۆ ئازادی و پاراستنا وان دەستكەفتیێن ب قوربانیدانا شەهیدێن مە ب دەست ڤە هاتین».
