پەیەدە: دانوستاندنێن مە و سووریێ هاتینه راگرتن
ئەڤرۆ نیوز:
رشاد بیناف نوونەرێ پەیەدێ ل روسیا راگەهاند کو بەری نها دانوستاندن د ناڤبەرا مە و شامێ دا هەبوون لێ نها دانوستاندن هاتینە راگرتن، چونکو شام بەرهەڤ نینە مافێ کوردان بدەتێ و هەتا دستوورەکێ نوو بۆ سووریێ ژی نەهێتە دانان دانوستاندن ل گەل شامێ ناگەهنە چو ئەنجامەکێ.
نوونەرێ پەیەدێ ل روسیا ئەو یەک ژی دیار کر کو هندەک داخوازیێن شامێ ژ مە هەبوون کو ژ ئالیێ مە ڤە نەهاتنە قەبوول کرن.
ئەڤ داخۆیانیا نوونەرێ پەیەدێ پشتی هندێ هات کو سەرۆکێ ئەمریکا گەف ل تورکیا کرن و راگەهاند هەکە تورکیا هێرشی کوردێن سووریێ بکەت دێ ئابووریا تورکیا وێران کەین.
